Agu Asanahe Ziazia Kekeapai Akaragapai Kutini
Ya mo Ziazia Kekeapai nga Fugo Mbori nzunzu?
Ziazia Kekeapai nga Fugo Mbori na si kia ti kura abuku. I ima kusa abirioni Ziazia Kekeapai rogo akama afugo. Gu tatamana du rogoho na ome ka aria ga boro raka si du ni wenehe.
Ani ini gupai nga Ziazia Kekeapai aye be Mbori mbiko si nafura tipa apai ku mbatayo. Boro arengbanga ka manga gipai re ni gani ome te. Ni kpiapai, mo bingo gu kitabu nga Yesaya. Papara Yesaya i aima kehe kama agarã kusayo mbata fu i batika Yesu, i abihe rogo Baime Tikpo yo. Si ape gupai nga boro ho nika raka rogo gu bagbata nga Babera te. Agi afugo re ada nirengo dungu agarã fuo batikayo Kristo.
I ake Ziazia Kekeapai wai?
I ake Ziazia Kekeapai vuru agarã nga 1,600. Akumba wa 40 naakehe, na i ake bangisa riipai sa zanga si tagbagatihe. Gipai re aru wai ka manga? Mbori naadu nayo.
Ti kura aregbo, Mbori aafura fu abake Ziazia Kekeapai rogo amaraika yo, yuguyugupai watadu amusumo. Dedede, Mbori anaamaa gako berãpai ku berã abakehe yo na ki mbuyo i siaka agu afugo i aida ka pe ga Mbori pai rogoho.
Gere Ima Rengba a ka Ngba Tiro
AGU ASANAHE BAIBIRI AKARAGAPAI KUTI NI
Ya mo Ziazia Kekeapai na gu Tatamana Rogoho nga ga Wiri Aboro?
Mo bingo gupai Ziazia Kekeapai agumbaha ni tihe tipa ha.
ESSENTIAL BIBLE TEACHINGS
Da Nga Baenge Ke Baibiri?
Ka si du nga aboro naakehe, ya mo ani rengbe ka yambaha nga ga Mbori pai? Ga da aberãpai du rogo Baibiri yo?
