Ino Mahavy Vavolombelon̈o Jehovah Tsy Mivolan̈a Leglizy fa Tran̈o Fivoriany Vavolombelon̈o Jehovah Fo?
Izikoa zahavan̈a volan̈a griky nandikan̈a Baiboly tamy voanalohany tan̈y, dikany “leglizy” zen̈y, olo miaraka mivavaka fa tsy tran̈o.
Ty misy ohatra araiky: Apostoly Paoly koa fa nampitondra viloma handeha aminy Akoila ndreky Prisila, olo miaraka mivavaka aminany, izy nivolan̈a karaha ty: “Viloma amy leglizy jiaby antran̈ondro ao.” (Romanina 16:5, Fandikanteny Katolika) Tsy mety ho tran̈o nataony Paoly viloma io, fa olo niaraka nivavaka aminany tamy tran̈o io tao. a
Zen̈y mahavy zahay tsy mivolan̈a leglizy fa “Tran̈o Fivorian̈a Momba Fanjakan̈any Zan̈ahary.”
Ino mahavy anaro mivolan̈a “Tran̈o Fivoriany Vavolombelon̈o Jehovah” zen̈y?
Misy antony maromaro ty:
Tsotra fo tran̈o ivorianay.
Ao zahay mivavaka amy Jehovah, Zan̈ahary nan̈amia Baiboly io. Vavolombelon̈onany koa zahay, ke zahay koa fa mivory ao, mikoran̈a raha momba izy.—Salamo 83:18; Isaia 43:12.
Ao koa zahay mianatra momba Fanjakan̈any Zan̈ahary, efa nambarany Jesosy.—Matio 6:9, 10; 24:14; Lioka 4:43.
Mikaiky anao zahay hizaha Tran̈o Fivoriany Vavolombelon̈o Jehovah marikitry anao, amy zen̈y ho hitanao tsarabe raha ataonay, izikoa fa mivory.
a Mankamafy zen̈y koa toko ndreky andininy amy 1 Korintianina 16:19 ndreky Kolosianina 4:15, baka io koa Filemona 2.
Mety ho Tianao Koa
FIVORIAN̈A
Ino ma Raha Atao amy Tran̈o Fivorian̈a An̈y?
Zahava ato karakory ataonay amy Tran̈o Fivorian̈a an̈y.
RAHA MATETIKY AN̈ONTANIANOLO
Karakory ma Andaminan̈a Fiangonan̈a Vavolombelon̈o Jehovah?
Zahava karakory azahoanay toromariky baka amy fandaminan̈a io.
RAHA MOMBA ZAHAY
Man̈aton̈o Fivorian̈a
Diniha raha momba fivorian̈anay. Tadiava tany fivorian̈a marikitry anao.