TARIDALAN̈A MOMBA FIANARAN̈A BAIBOLY
Mankafiza Fiain̈ana Tsisy Farany!
Ho hitanao amy fampianaran̈a Baiboly tsy man̈efa ataonay valiny fan̈ontanian̈a aby ty:
Akory hahitako hasambaran̈a amy fiain̈ana?
Mbala ho afaka ma jaly ndreky raha ratsy jiaby io?
Mbala ho hitantsika ma iro havantsika efa naty aby in̈y?
Zan̈ahary ma ten̈a mikarakara zaho?
Akory atao mivavaka, avio akory hahaizako fa tandrin̈esany Zan̈ahary vavaka ataoko?
Tsy man̈efa mianatra izio
Tsy man̈efa mianatra Baiboly, avio tsy vangain̈a boky fianaran̈a izio, Mankafiza Fiain̈ana Tsisy Farany! Mety mahazo Baiboly araiky koa anao izikoa tianao.
Lera ndreky tany an̈anaovan̈a fianaran̈a
Mety atao mivantan̈a na amy telefony ndreky vidéoconférence, avio mety atao aminy Internet koa fianaran̈a io, amy zay lera tianao.
Tsy tiren̈a olo hianatra izio
Mety mivolan̈a fo anao izikoa tianao hajanon̈o fianaran̈a.
Karakory ma ataonay mampianatra Baiboly olo?
Misy papianatra mahay han̈ampy anao hianatra raha ampianariny Baiboly. Izio dinihin̈y isaka fotokevitry. Ho hitanao amy fianaran̈a boky Mankafiza Fiain̈ana Tsisy Farany io raha koran̈iny Baiboly mety han̈ampy anao. Izikoa tianao hahay raha maro momba zen̈y, zahava video ty na zahava valiny fan̈ontanian̈a momba fianaran̈a Baiboly io.
Asa mba tianao hay raha mampiavaka boky io?
Zahava leson voanalohany amy fianaran̈a io.
Pare anao?
Kitia amy farany ambany iô hahitanao programony fianaran̈a voanalohany tokony hataonao.