Samy nivolan̈a Josoa ndreky Solomona fa tsisy tsy tanteraka nata araiky fampan̈antinan̈any Jehovah. (Js 23:14; 1Mp 8:56) Mahay mankafatatra finoan̈antsika volan̈andro vavolombelon̈o aroe atokisan̈a io.​—2Ko 13:1; Tit 1:2.

Karakory nataony Jehovah nan̈atanteraka fampan̈antinan̈anany taminandrany Josoa? Zahava miaraka amy fianakavian̈anao video ‘Lan̈iany Raha Nampan̈antinainy Jehovah Tsisy Tsy Tanteraka.’ Avio valia fan̈ontanian̈a aby ty: 1) Akory mety hangalanao tahaka finoan̈any Rahaba? (He 11:31; Jk 2:24-26) 2) Nan̈ino raha nataony Akana io man̈aboaka fa hidiranandra lan̈iany olo kinia tsy man̈araka volan̈a? 3) Olo mahery miady iro Gibeonita aby io, kanefa nan̈ino iro namitaka Josoa, baka io nan̈iry hihavan̈a taminy Israely? 4) Karakory nahitan̈a fa tanteraka volan̈a Jehovah koa fa nisy panjaka amorita dimy nandrahon̈o Israely? (Js 10:5-14) 5) Karakory nan̈ampiany Jehovah anao, izikoa fa Fanjakan̈anany ndreky fahamarin̈ana nataonao voalohantoeran̈a?—Mt 6:33.

Hahay ho fatatra fo finoan̈antsika fampan̈antinan̈any Jehovah izikoa atsika misaintsain̈y raha jiaby efa nataony ndreky ataony, baka io mbala hataony.​—Ro 8:31, 32.