გეგნოჭარით:

• ტექსტ ნოტეფით

1. 1. ჩიტეფ მუ ჰამოთ იბირა,

   სქვამას მოხანტილ რე ცა.

   ცუნდელ მწვანე მინდორიეფს

   ანთასფერო ვარკალანს ჩხანა.

   ორწყექ ძვირფას მეგობრეფს

   დო ვა უჯერენქ თოლეფს,

   უკვე ცხოვრენქ სამოთხეს,

   დრო რე ნანატრ დო ბედნერ.

2. 2. ჟი გვალას დო თუდო მინდორს

   სქვამ ჸუდეეფს გედგუნა.

   წკონდა მალწყარ წისქვილს ურთანს,

   ჰამო ობირეშეფს იბირა.

   დამორჩილს სქვამ მინდორეფ

   ოქროშფერო ქარგილ რე.

   ჩქინ ხიოლ ულიებ რე,

   დრო რე ნანატრ დო ბედნერ.

   (ᲮᲘᲓᲔ)

   მუ ჰამო რე, ართო ვორეთ,

   გურს ახარენს სარკო იმენდ.

   დოსქირ თოლეფს ჩილამურეფქ,

   ულირს ქაჸუნ ოწუხებელქ.

3. 3. გიჰამუანს დღაშ დალიას

   ინმალ ჩხანაშ სქვამ ფერეფ.

   უძახუქ ძვირფას მეგობრეფს

   დო თანდუ ხოლო ართ დღა ბედნერ.

   ჩქინ ღორონთის, იეჰოვას,

   ვუმარდუთ ჸოროფაშე,

   მუ დიდ ხვამათ ემოფშეს,

   დრო რე ნანატრ დო ბედნერ.

   (ᲮᲘᲓᲔ)

   მუ სარკო რე, თოლს ვა ვუჯერქ,

   ბედნერ ვორექ, მა სი გორწყექ.

   ირ დღას მნატრენდ სქან ძირაფას

   დო გურშა სქან ხუტოლაფას.

4. 4. დრო ნანატრ დო ბედნერ

   ხოლოს რე, მოურს მალას.

   იეჰოვაშ დუნაპირეფ

   სანდო რე დო ვეგემტყუნებ დღას.

   თე იმენდ თოლშა ეწომრე,

   ძალას მარზენს, მიფთვინე.

   მალას ჩქინ გურს გახარენს

   დრო ძვირფას, ნანატრ დო ბედნერ.