Niire Atthu ale Akhwiye Anootthikela Okhala Akumi?
Niire nnoona wiira . . .
-
aayo?
-
naari?
-
woonawene?
BIIBILIYA ONLOTTA WIIRA:
Atthu akhwiye an’ya ‘ohihimuwa mokhwani’.—Miteko 24:15, Biblia Solempwa Sowarya.
SEENI ERI AYA YOOREERA ODHUWELA ELO?
Enawookhaliherani ophwanya nimaaliho okathi onkhwa iye ole mwampheta nnyu.—2 aKorinto 1:3, 4.
Enawookhaliherani ohitepasa woova okhwa.—aHeeberi 2:15.
Enawoovahani nlipelelo neekhweeli na otthikela okumana ni ale mwapheta nnyu akhwiye.—Yohani 5:28, 29.
NINOWERYA OKHUPALI ELE BIIBILIYA ONLOTTA IYE?
Aayo, mwaha wa mathowa mararu:
-
Muluku topattunse ekumi. Biibiliya onninlotta Yehova Muluku okhala ‘Mpattusa ekumi’. (Esalimo 36:10; Miteko 17:24, 25) Tthiri ole opattunse itthu dhootheene dhirina ekumi okhalana owerya wawaatthikihera ekumi atthu ale akhwiye.
-
Muluku ahaahihimusa atthu yakhwiye khalai. Biibiliya onnaalotta atthu 8 yaawo yaahihimusiwe etthikela okhala akumi valaponi vaava. Mwa yaawo yaahikhala anaahima, atthu uulupale, alopwana ni athiyana. Akina yaavirinhe etempu vakhaani ekhwiye, masi mmodha aahimala mahiku masese ari mmahiye!—Yohani 11:39-44.
-
Muluku onnitthuna tthiri wahihimusa atthu ale akhwiye. Yehova onniitta okhwa; owo onnoona okhwa nkhama nwanani. (1 aKorinto 15:26) Owo onnitthuna tthiri ompwetesa nwanani owo, nenno on’ya iye wahihimusa atthu ale akhwiye. Owo onnitthuna watthikihera ekumi atthu ale ari mmuupuweloni-mwe ni owona eri akumi valaponi.—Yobi 14:14, 15.
NKUUPUWELANI:
Seeni nnuuluvala nhu ni okhwa?
Biibiliya onnaakhula nikoho nna va MAPHATTUWELO 3:17-19 ni AROMA 5:12.