Taani anreerela ora?

Atthu ootheene annaakheliwa. Nkhale ootaphuwa onlaleya nxirikha nnyu ni oriiha emudhi nnyu.

Nthukumano ola on’ya omala iwoora kavi?

On’ya omala ewoora emodha.

On’ya opakiwa opuro seeni nthukumano ola?

Nlotte ni Anamoona a Yehova wiira ndhuwele saana voohima dha mapuro an’ya opakiwa nthukumano ola.

Niire ntthu onniliva nsurukhu aahindho onnivekeliwa olaihera etthu, wiira ntthu ovolowe nthukumano ola?

Naari.

Onnisokhiwa nsurukhu?

Naari. Hiyo khanisokha nsurukhu naapakaka mithukumano dhihu.—Matheyo 10:8.

Niire yookhala etiipu ya ikuwo dhinreerela owara?

Naari. Masi ata eri dhiidho, Anamoona a Yehova anniilipihera owara ikuwo dhoottittimiheya para okathi owo wawaarya.

Eseeni en’ya wiiraneya okathi wa onthukumano wa Wuupuwelela?

Nthukumano wa wuupuwelela ompacera ni ommala niipiwaka ncipo ni nivekelo, nenno nimpakiwa ni Namoona a Yehova mmodha. Etthu yootepa otthuneya, onnilottiwa mwaha onkhuma mBiibiliyani onleelihera moopora okhwa wa Yeesu oraawa wootthuneya ni etthu ninreerela nhu opaka wiira noonihere oxukhurela ele Muluku ni Yeesu Kriistu anipakenle awa.

Wiira ndhuwele itthu dhikina, moone mwaha oni: “Seeni Anamoona a Yehova Anuupuwelela Eyooca ya Ohiyu ya Apwiya Moovirikana ni Itiini Dhikina?”

Nhoolo nthukumano wa Wuupuwelela on’ya okhala liini?

2027: Sekunda, 22 a Março

2028: Dominku, 9 a Abril

2029: Neesese, 29 a Março