Mwaakhaliheryeke alipa-oowiriyana wiivarerya. Mpakeke makoho anaakhaliherya alipa-oowiriyana ophwanya waakhuliwa waya mekhayaru.

Mwaatumereryeke alipa-oowiriyana ovara miteko sooloka. Mwaatumereryeke alipa-oowiriyana oweha xeeni vanitthuneya aya ovara miteko sooloka. Mwaakhaliherye wuncererya omphenta waya Yehova, annaya ni weettela ele Biibiliya oniixuttiha awe. Mwaakhaliherye alipa-oowiriyana oweha miruku sa mBiibiliyani; vahikhaleke wira munimwaalaka. Ohiya owuulihiha muru, awo ahaana woonaka wira ahiixutta etthu nuumala owiriyana mwaha anyu.

Mphaveleke onvuwiha Yehova. Muttittimiheryeke moota sowiixuttiha sa mBiibiliyani vamosa ni sooruma sa Muluku sinooniherya aya wira yena ookhalana mikhalelo sooreera ni onniniphenta. Mweereryeke owiiriha alipa-oowiriyana ophavelaka omuhakalaliha Yehova.