Moolumo Oopacerya a Epantte 2
Nthowa xeeni Yehova aakumihenrye awe epula yinceene, yeeyo yaahononne olumwenku ole wa khalai? Woopaceryani wa apinaatamu, yaahipacerya ekhotto yuulupale, niire so, ekhotto ya opaka sooreera ni opaka sootakhala. Attu ntoko Adamu, Eva ni mwanaya, Kayini, yaahithanla opaka sootakhala. Atthu akina, ntoko Abeli ni Nowe yaahithanla opaka sooreera. Anamunceene yaanipaka itthu sootepa otakhala, nto Yehova aahilakela omaliha olumwenku ole wootakhala. Epantta ela enoonikhaliherya osuwela wira Yehova onnoona etthu enithanla ahu opaka, ni wira khonihiyererya otakhala oxinttaka oreera.
EPANTTE ELA
YOOSOMA 3
Adamu ni Eva Khiyaamwiiwelenle Muluku
Etthu xeeni ya vameekha aya voohimya sa mwiri wa ojardim ya wEdeni? Xeeni Eva aalyiiye awe muhokorokho?
YOOSOMA 4
Onanariwa Pooti Omwiiriha Mutthu Opaka Itthu Sootakhala!
Muluku aaheemererya mukuttho wa Abeli masi wa Kayini kheemerenrye. Okathi oonale awe okathi wooreerela, aahinanariwa ni aahipaka ehasara yootakhala.
YOOSOMA 5
Ekalawa ya Nowe
Okathi malaikha ootakhala yaathenle aya athiyana a valaponi, awo yaahaayara anamwane yaawo yaari ootakhala-tho. Otakhala waahuulaana. Masi Nowe khaalikana ni atthu akina, owo aanimphenta ni omwiiwelela Muluku.
YOOSOMA 6
Atthu 8 Yaahoopowa Khukela Elapo Yooreera
Epula yaahirupa mahiku 40 ohiyu ni othana. Nowe ni emusi awe yaahikhala mukalawani mme ovikana eyaakha emosa. Wanikisa waya Muluku aahaaruma okhumela ota.
