LESSION 01

Come che la Bìblia la pol giutarte?

SONAR

Tuti noantri ghemo domande sora la vita, el sofrimento, la morte e sora el futuro. Noantri ghemo anca pensieri de tuti i giorni. Par esémpio, come gaver una fameia felice e come guadagnar i soldi che ghemo de bisogno par viver. Tante persone le ga catà le risposte ale so domande nela Bìblia e le ga catà anca consili par gaver una vita felice. Alora, la Bìblia la pol giutar a tute le persone!

1. La Bìblia la ga le risposte a che domande?

La Bìblia la ga le risposte ale nostre domande. Par esémpio: Chi che ga creà i cieli e la Tera? Parché che semo qua? Parché che le persone le sofre? Cossa che sucede dopo dela morte? Parché che ghen’è tanta guera se tute le persone le vol pace? Cossa che ndarà suceder cola Tera? L’è tanto importante farse queste domande e milioni de persone le ga catà le risposte giuste nela Bìblia.

2. Come che la Bìblia la pol giutarne a esser pi felici?

Nela Bìblia, ghen’è boni consili par noantri. Par esémpio, ela la ne giuta a gaver una fameia felice, a infrontar i problemi e a esser pi contenti col nostro laoro. Questo libro el ndarà giutarte a capir cossa che la Bìblia la parla sora questo e tante altre robe. Fursi ti te sarè de acordo che tuta la Scritura, o sia, tuta la Bìblia la ze bona. — 2 Timòteo 3:16.

Questo libro no l’è la Bìblia, ma el ndarà giutarte a capirla meio. Alora, sfòrsate par leder i testi dela Bìblia che ghen’è nele lession. Cossita, te sarè sicuro che te sì drio imparar quel che ghen’è nela Bìblia.

IMPARA DE PI!

Come che la Bìblia la pol giutarte? Come pol piaserte leder la Bìblia e parché che l’è meio quando qualchedun el te giuta a capirla?

3. La Bìblia la pol giutarne a far quel che l’è giusto

La Bìblia la ze come una luce che se dopera par far ciaro, parché la ne mostra come far le meio dessision e la parla sora quel che ndarà suceder nel futuro.

Ledé Salmo 119:105, e dopo, parlé sora questo:

Cossa che el scritor de questo salmo el ga dito sora la Bìblia?
Cossa che ti te pensi dela Bìblia?

4. La Bìblia la ga le risposte ale nostre domande

Una dona la se ga fato arquante domande par ani. Come che la Bìblia la ghe ga giutà a catar le risposte? Vardé el VÌDEO, e dopo, parlé sora questo:

VÌDEO: No stà mia perder la speransa! (1:48)

Che domande la dona la se fea?
Come che studiar la Bìblia la ghe ga giutà?

La Bìblia la dise che noantri ghemo de ndar in serca dele risposte ale nostre domande. Ledé Mateo 7:7, e dopo, parlé sora questo:

Che domande te piaseria saver le risposte?

5. Pol piaserte leder la Bìblia

Tante persone le ghe piase de leder la Bìblia e questo l’è drio giutarghe tanto. Vardé el VÌDEO, e dopo, parlé sora questo:

VÌDEO: Leder la Bìblia (2:05)

Parché che questi gióveni no i ghe piasea de leder?
Parché che i ghe piase de leder la Bìblia?

La Bìblia la ne dà consolo e speransa. Ledé Romani 15:4, e dopo, parlé sora questo:

Te piaseria saver de pi sora el consolo e la speransa che la Bìblia la ne dà?

6. L’è meio gaver el aiuto de qualchedun par capir la Bìblia

Tanti i lede la Bìblia ma i ga visto che i la capisse meio quando i ga el aiuto de nantra persona. Ledé Ati 8:26-31, e dopo, parlé sora questo:

Come che podemo capir la Bìblia? (Varda i versìcoli 30 e 31.)

El libro de Ati el parla de un omo che el ga bio de bisogno del aiuto de nantra persona par capir la Bìblia. Tante persone le dise che le capisse de pi la Bìblia quando qualchedun ghe giuta.

FURSI TE GHÈ BELCHE SCOLTÀ: “Studiar la Bìblia l’è sol par perder tempo.”