Гватемалада яшовчи Марта исмли Яҳованинг Шоҳиди кекчи тилида гапирадиган инсонларга Муқаддас Китобдаги хабарни айтиш учун уни ўргана бошлабди. Бир куни у касалхонадан чиқаётган кишини кўриб қолибди. Унинг ташқи кўринишидан Марта у кекчи тилида гапирадиган кишилар яшайдиган тоғли ҳудудидаги қишлоқдан деган фикрга борибди. Яҳованинг Шоҳидлари у ерда камдан-кам ваъз қилишади. У кекчи тилида билган бир нечта сўздан фойдаланиб ўша кишига мурожаат қилибди.

 Марта унга Муқаддас Китоб тадқиқини таклиф қилибди. У завқ ила рози бўлибди, аммо тўлаш учун пули йўқлигини айтибди. Марта Яҳованинг Шоҳидлари одамлар билан Муқаддас Китоб тадқиқини бепул ўтказишини тушунтирибди. Шунингдек, у телефон орқали боғланиб, бутун оиласи ҳам тадқиқда қатнаша олиши мумкинлигини айтибди. У киши розилик билдирибди. У испан тилида гапиргани ва ўқий олгани туфайли, Марта унга испан тилида «Муқаддас Китоб — Янги дунё таржимаси»ни берибди. Қолаверса, Муқаддас Китобни тадқиқ қилишга мўлжалланган кекчи тилидаги «Муқаддас Китоб таълимотлари» китобини ҳам берибди. Келаси ҳафта Марта ўша киши, унинг хотини ва иккита фарзанди билан телефон орқали Муқаддас Китоб тадқиқини бошлашибди. Улар тадқиқни ҳафтада икки марта ўтказишарди. Марта: «Мен кекчи тилида унча яхши гапира олмаганим учун, тадқиқни испан тилида ўтказардик, у киши эса ҳаммасини хотинига таржима қилиб берарди. Болалари испан тилини тушунишарди»,— деди.

 Бу киши черковида руҳоний эди. Тадқиқда билиб олаётган барча нарсани черковга келган ҳаммага гапира бошлабди. Эшитганлари уларга жуда ёқарди ва улар бу янги таълимотларни қаердан билиб олганини сўрашибди. Шунда у тадқиқи ҳақида айтибди ва улар ҳам унга қўшила бошлашибди. Вақт ўтиб, Марта тахминан 15 киши билан телефон орқали ҳар ҳафта тадқиқ ўтарди. Кейинчалик уларнинг ҳар бири эшита олиши учун телефон ёнига микрофон қўйишибди.

 Марта жамоатидаги оқсоқолларга бу тадқиқ тўғрисида айтганда, улардан бири ўша қишлоққа борибди. Тадқиқ ўтаётган барчани қишлоғидан бир соат машинада ва икки соатдан ошиқроқ вақт пиёда юриш керак бўлган қишлоққа таклиф қилибди. У ерда туман нозири a оммавий нутқ сўзлаши керак эди. Улар рози бўлибди ва нутқни тинглаш учун 17 та киши борибди.

 Бир неча ҳафта ўтгач, туман нозири ва яна бир нечта имондошимиз улар билан 4 кун ўтказишибди. Эрталаб улар jw.org сайтидаги кекчи тилида Муқаддас Китобга асосланган видеоларни томоша қилиб, «Бугунги кунда Тангри Яҳованинг иродасини ким бажаряпти?» рисоласини тадқиқ қилишибди. Тушликдан кейин улар JW Интернет-телевидениесидаги видеоларни кўришибди. Туман нозири уларнинг ҳар бири билан алоҳида тадқиқ ўтказилишини ҳам ташкиллаштирибди.

 Тўрт кун давомида Яҳованинг Шоҳидлари ўша қишлоқ ёнидаги бошқа қишлоқларда ҳам ваъз қилиб, одамларни махсус учрашувга таклиф қилишибди. Ўша учрашувга 47 та киши келибди. Уларнинг ҳаммасига Муқаддас Китоб тадқиқи таклиф этилибди. Ўн битта оила бу таклифни қабул қилибди.

 Бир неча ой ўтгандан кейин, оқсоқоллар ҳар ҳафта ўша биринчи қишлоқда учрашувлар ўтказадиган бўлишибди. Ҳозир ўша учрашувларга деярли 40 та киши мунтазам равишда келяпти. Биродарларимиз Қутлуғ Кечлик маросимига 91 та киши келганидан жуда хурсанд эканини айтишди.

 Марта бу воқеа қай йўсин бошлангани ва қандай давом этгани ҳақида шундай деди: «Яҳовадан миннатдорман. Баъзида ўзимни кам қилаётгандай ҳис этаман. Лекин Худо бошқаларга ёрдам бериш учун биздан фойдаланиши мумкин экан. Ўша қишлоқдаги инсонларнинг дилида нималар кечаётганини У билгани учун уларни Ўз халқига жалб қилди. Тангри Яҳова уларни жуда ҳам яхши кўради».