Hosia 2:1-23
2 “Ta kẹ iniọvo wẹn rẹ eshare nẹ, ‘Ihwo mẹ!’*
Wọ me je ta kẹ iniọvo wẹn rẹ eya nẹ, ‘E aye re gbe arodọnvwẹ kẹ na!’*
2 Vuẹ oni wẹn obo ro ru chọ; vuẹ obo ro ru chọ,Kidie ọ dia aye mẹẹ, me je dia ọshare rọyeen.
E jẹ o si igberadja egbe rọyen nẹ omaRere o ji si igberadja egbe rọyen nẹ uvwre rẹ ivie rọyen,
3 Ọ rha dia ọtiọyeen ke me cha ban phiyọ rere ọ dia kerẹ ẹdẹ re vwiẹ rẹ,Ke me cha nẹrhẹ ọ dia kerẹ aton,Kọ cha dia otọ rẹ ame kanre,Ko che ghwu fikirẹ urhurusivwe rẹ ame.
4 Mi ji che gbe arodọnvwẹ kẹ emeshare rọyeen,Kidie ayen emọ rẹ igberadja.
5 Kidie oni rayen gbe igberadja.
Ọ rọ mrevun rayen na ru emu rẹ omavovwẹ, kidie ọ tare nẹ,‘Mi che nene esen mẹ ri mi vwo ẹguọnọ kpahen na,Ihwo re kẹ vwẹ ibrẹdi vẹ ame,Ẹton rẹ ogodẹ vẹ linẹn, evwri kugbe udi.’
6 Ọtiọyena me cha vwẹ igbẹhẹ rẹ inwe vwo gbere idjerhe wẹn;Ke me cha bọn igbẹhẹ rẹ ukuta vwo ke dje,Rere o vwo jẹ idjerhe rọ cha wan ẹmrẹ.
7 Ọ cha vwọtua esen ro vwo ẹguọnọ kpahen na, ẹkẹvuọvo ọ cha sa djẹ ayen muu;Ọ cha guọnọ ayen ẹkẹvuọvo ọ cha mrẹ ayeen.
Kọ cha tanẹ, ‘Mi che rhivwin bru ọshare mẹ rẹsosuọ ra,Kidie erọnvwọn yovwin kẹ vwẹ ọke yena vwọ vrẹ ọke nana.’
8 Ọ riẹnre nẹ mẹvwẹ yen kẹrẹ eka na, iwaini kpokpọ na, kugbe evwri naa,Me je kẹ idọnọ efuanfon buebunKugbe iro rẹ ayen vwọ ga Bel.
9 ‘Ọtiọyena mi che rhivwin ra reyọ eka mẹ vwẹ ọke rọyenKugbe iwaini kpokpọ mẹ vwẹ aruọke rọyen,Ke me cha sanvwe ẹton rẹ ogodẹ mẹ kugbe linẹn mẹ ro vwo rhurhu ẹban rọyen mie.
10 Asaọkiephana me cha ban phiyọ vwẹ irharo rẹ esen rọyen ro vwo ẹguọnọ kpahen na,O vwo ohwo vuọvo ro se sivwon nẹ obọ mẹẹ.
11 Mi che phioba phiyọ aghọghọ rọyen eje,Erẹ rọyen, otuphro rẹ emeranvwe rọyen, ẹdẹ urovwoma rọyen, kugbe ọke rẹ erẹ rọyen eje.
12 Ke me cha ghwọrọ ivaini vẹ irhe rẹ ifigi rọyen rọ vwẹ fiki rọyen vwọ tanẹ,
“Enana yen osa mẹ rẹ esen mẹ ri mi vwo ẹguọnọ kpahen na hwa kẹ vwẹ”;Me cha nẹrhẹ ayen hirhephiyọ egbo,Eranvwe rẹ aghwa na ke cha re ayen.
13 Me cha nọ orhiẹn fikirẹ ẹdẹ sansan ro vwo ze izobo kẹ ema ri Bel,Ọke rọ vwọ vwẹ ubiosa vẹ erọnvwọn efa vwọ sẹn, rọ je vwọ djẹ nene esen rọyen ro vwo ẹguọnọ kpahen na,Mẹvwẹ kọyen ọ kpairoro vrẹ,’ ọtiọyen Jihova tare.
14 ‘Ọtiọyena me cha bọrọ,Me cha reyọ kpo evunrẹ aton na,Ke me cha ta ota kẹ vwẹ idjerhe ro de che te ubiudu rọyen.
15 Me cha vwẹ ogba rẹ ivaini rọyen vwọ kẹ rhivwin vwo nẹ ọke yena yanran,Kugbe Iyara* rẹ Ekọ kerẹ anurhoro ro suẹn kpo iphiẹrophiyọ;Kọ cha kpahen kẹ vwẹ vwẹ etiyin kirobo ro ruẹ vwẹ ọke rẹ eghene rọyen,Kirobo ro ruru ọke ro vwo nẹ otọ rẹ Ijipt rhe.
16 Vwẹ ẹdẹ yena,’ ọtiọyen Jihova tare,‘Wo che se vwe ọshare Mẹ, wo rhe che se vwe onini Mẹ ọfaa.’*
17 ‘Mi che si edẹ rẹ ema ri Bel nẹ unu rọyen,Ọ rha cha karophiyọ edẹ rayen ọfaa.
18 Me cha vwẹ fiki rayen vwo nene eranvwe rẹ aghwa na re ọphọ vwẹ ẹdẹ yena,Mẹ vẹ ephran rẹ idjuvwu na kugbe erọnvwọn ri kpono vwẹ otọ na cha re ọphọ;Mi che si umurhabọ vẹ ọlọkọ kugbe ofovwin nẹ otọ na,Ke me cha nẹrhẹ ayen sherhẹn* vwọrẹ ofuvwegbe.
19 Me cha sa wẹ phiyotọ bẹdi bẹdẹ;Me cha sa wẹ phiyotọ vwọrẹ ophiọnphiọn kugbe orhiẹn ọsoso,Vwọrẹ ẹguọnọ ro jẹ rhẹriẹ kugbe arodọnvwẹ.
20 Me cha sa wẹ phiyotọ vwọrẹ evun-ẹfuọn,Ku wọ cha ghene riẹn Jihova.’
21 ‘Me cha kpahen vwẹ ẹdẹ yena,’ ọtiọyen Jihova tare,‘Me cha kpahen kẹ idjuvwu na,Ayen me rha kpahen kẹ otọrakpọ na;
22 Otọrakpọ na cha kpahen kẹ eka na, iwaini kpokpọ na, kugbe evwri na;Ayen me rha kpahen kẹ Jẹzriẹl.*
23 Me cha kọn Jẹzriẹl kẹ oma mẹ kerẹ ubi vwẹ otọrakpọ na,Ki mi che gbe arodọnvwẹ kẹ Jẹzriẹl re gbe arodọnvwẹ kẹ naa;*Me cha ta kẹ ihwo re dia ihwo mẹẹ nẹ,* “Ovwan ihwo mẹ,”
Ayen me rha tanẹ, “Wẹwẹ Ọghẹnẹ mẹ.”’”
