Hosia 13:1-16
13 “Ifrem vwọ ta ota, ihwo ki guegue;Ọyen ohwo ro titiri vwẹ Izrẹl.
Ẹkẹvuọvo ọ da rhe riabe fikirẹ Bel, o de ghwu.
2 Ayen ruẹ umwemwu rayen buẹnphiyọAyen je vwẹ idọnọ efuanfon rayen vwọ ma ema;Ayen vwẹ ona vwọ ma ema, iruo eje rẹ ewena.
Ayen me tanẹ, ‘E jẹ ihwo ri ze izobo fiọnfiọn ema rẹ emọ rẹ erhuẹn na.’
3 Ọtiọyena ayen cha dia kerẹ evwru rẹ urhiọke,Kerẹ irho rọ fobọ ranvwiẹ,Kerẹ ehọrọ rẹ ogiribo dju nẹ asan ra da frẹ ibi ekankọn,Kugbe ivwirhi ro brẹ nẹ unu rọhẹ enu rẹ uwevwin cha.
4 Ẹkẹvuọvo mẹvwẹ Jihova Ọghẹnẹ wẹn vwo nẹ otọ rẹ Ijipt rhe;Wọ riẹn Ọghẹnẹ ọfa vwọ vrẹ vwẹẹ,Vwọ vrẹ vwẹ, osivwin ọfa je herọọ.
5 Me riẹn wẹ vwevunrẹ aton na, vwẹ otọ rẹ ame kanre.
6 Evun vọn ayen kidie ayen vwo emu buebun rẹ ayen cha re,Evun vọn ayen, ayen da kparoma vwevunrẹ ubiudu rayen.
Ọtiọyena me da chọrọ ayen ẹro.
7 Me cha dia kerẹ okpohrokpo otete vwọ kẹ ayen,Kerẹ ubido ro siomanu vwẹ idjerhe.
8 Mi che pho mu ayen kerẹ okorhi re mu emọ rọyen reyọ,Ke me cha bẹrẹ udu rayen rhiephiyọ.
Me cha re ayen vwẹ etiyin kerẹ okpohrokpo;Eranvwe rẹ aghwa cha bẹrẹ ayen chẹghẹchẹghẹ.
9 Ọ cha ghwọrọ owẹ, E Izrẹl,Kidie wo kuomarhẹriẹ vwọso ovwẹ, wọ vwọso ọchuko wẹn.
10 Ovie wẹn kọ rhọ, rere o sivwin uwe vwẹ irere wẹn eje,Kugbe isun* wẹn ru wọ ta kpahen nẹ,‘Kẹ vwẹ ovie kugbe isun’?
11 Mi muophu kẹ wẹ ovie,Mi ji che muophu reyọ.
12 A phare* oruchọ rẹ Ifrem re;A sẹro rẹ umwemwu rọyen.
13 Ọmiaovwẹ rẹ evwiẹ che bru oni rọyen rhe.
Ẹkẹvuọvo ọyen ọmọ ro vwo aghwanree;Ọ rhọnvwe wontọ ọke re che vwo vwiẹẹ.
14 Me cha tan ayen hirhe vwo nẹ ẹgba rẹ Ushi;*Me cha reyọ ayen vwo nẹ ughwu rhe.
Obi wẹn rhọ, E Ughwu?
Ẹgba wọ vwọ sua oghwọrọ na rhọ, E Ushi?
Mi che gbe arodọnvwẹẹ.
15 Ọ da tobọ riẹn djẹ vwẹ ohri rẹ ekankọn re se rid,*Odju rẹ ẹbẹre ọnre va nẹcha na cha rhe, odju ri Jihova,O che nẹ aton na rhe, kọ cha nẹrhẹ orhare rọyen vẹ ogbugbu rẹ ame rọyen yamu.
Ohwo yena che gborho asan ra sẹro rẹ ekuakua eghanghanre rọyen eje phiyọ.
16 A cha nọ Sameria orhiẹn kidie o gbe vwọso Ọghẹnẹ rọyen.
A cha vwẹ ọlọkọ vwọ teyen ayen hwe,A cha vwẹ emọ rayen vwọ fa otọ hwe,A cha bẹrẹ evun rẹ eya rayen re mrevun rhiephiyọ.”
Eta rehẹ obotọ na
^ Vwẹ Hibru, “iguẹdjọ.”
^ Yẹrẹ “A sẹro rẹ.”
^ Yẹrẹ “Sheol,” kọyen, ushi re shẹ ihwo phiyọ. Ni Eta re Vwomaphia.
^ Ọnana okankọn rọ pha tẹnrẹnrẹn grongron rọ djẹ vwẹ orhoma rẹ urhie.
