Isẹ 21:1-31
21 Ubiudu rẹ ovie pha kerẹ ọkẹre rẹ ame vwẹ obọ ri Jihova.
Ọ kpọ vwo kpo kasan kasan rọ guọnọre.
2 Idjerhe rẹ ohworakpọ eje shephiyọ vwẹ ẹro rọyen,Ẹkẹvuọvo Jihova yen fuẹrẹn ubiudu na.
3 E vwo ru obo ri yovwirin ro ji shephiyọYen me je Jihova vwọ vrẹ izobo.
4 Omaẹkparọ kugbe omaephuoEnana yen urhukpẹ ro suẹn ihwo umwemwu na, ayen eje jẹ umwemwu.
5 Iroroẹjẹ rẹ egbowian nẹrhẹ ayen phiẹkparobọ,Ẹkẹvuọvo ihwo eje ri brokpakpa hirhephiyọ igbere.
6 Efe re vwori womarẹ efian eguonPha kerẹ evwru rọ ranvwiẹ, ufi rọ sua ughwu.
7 Ozighi rẹ ihwo umwemwu che hwerhe ayen kufia,Kidie ayen rhọnvwa brorhiẹn ọsosoo.
8 Idjerhe rẹ ohwo rọ riabe pha chachahen,Ẹkẹvuọvo idjerhe rẹ ohwo rẹ abọ rọyen fonro pha phiọnphiọn.
9 O yovwirin ra vwọ dia ọkọkọ rẹ enu rẹ uwevwinUkperẹ e vwo nene aye rọ kunu* ọkieje dia uwevwin.
10 Ohwo umwemwu vwo urhurusivwe kpahan obo re brare;O dje ẹroesiri kẹ ọrivẹ rọyeen.
11 E de gboja kẹ ohwo rọ vwẹ ihwo jehwẹ, ogbori kọ ghwanra phiyọ,Ohwo ro vwo aghwanre de ji vwo ẹruọ, ko vwo erianriẹn.*
12 Ọ rọ Dia Ọvwata na nẹ evwruwevwin rẹ ihwo umwemwu;Ọ cha nẹrhẹ ihwo umwemwu na rhiẹromrẹ oghwọrọ.
13 Kohwo kohwo ro rhurhu erhọ rọyen ro vwo jẹ oviẹ rẹ ogbere enyoỌke ro de kperi phia, e ji che nyoo.
14 Okẹ ra kẹre vwẹ odjahọn nẹrhẹ ophu kpotọ,Ọtiọyen udi ra jẹre vwẹ obuko je nẹrhẹ ophu ọgangan kpotọ.
15 Ọyen emu rẹ aghọghọ rẹ ọvwata vwo brorhiẹn ọsoso,Ẹkẹvuọvo ọyen emu rẹ imuoshọ vwọ kẹ ihwo ri ruẹ obo re brare.
16 Ohwo ro bo ghwru vwo nẹ idjerhe rẹ ẹruọCha dia ohri rẹ ihwo ri ghwure ri jẹ ẹgba evwo.
17 Ohwo ro vwo ẹguọnọ rẹ akpọẹriọ cha dia ogbere;Ohwo ro vwo ẹguọnọ rẹ iwaini vẹ evwri che fee.
18 Ohwo umwemwu yen ọtanhirhe vwọ kẹ ọvwata,Ohwo rẹ ophiẹnvwe yen a cha reyọ ukperẹ ohwo ọsoso.
19 O yovwirin ra vwọ dia evunrẹ atonUkperẹ e vwo nene aye rọ kunu ọkieje ro ji muophu gangan dia.
20 Efe eghanghanre vẹ evwri hẹ evunrẹ uwevwin rẹ ohwo ro vwo aghwanre,Ẹkẹvuọvo ẹkpa cha rhaphiẹ obo ro vwori kufia.
21 Kohwo kohwo rọ guọnọ ophiọnphiọn vẹ ẹguọnọ ro jẹ rhẹriẹChe vwo arhọ, ophiọnphiọn, kugbe urinrin.
22 Ohwo ro vwo aghwanre se yerin ro orere rẹ egba vọnre*Ọ me ghwọrọ igbẹhẹ egangan rẹ ayen vwẹroso.
23 Ohwo rọ sẹro rẹ unu vẹ ẹrẹnvwe rọyenKẹnoma kẹ okpetu.*
24 Ohwo rọ kparoma je yan eyan yen e seOhwo ro phuoma jẹ ọ davwerhọ rẹ obo ri che nẹ obuko rọyen rhee.
25 Obo ri siẹ ọvwiẹrẹ urhuru yen che hwe,Kidie ọ rhọnvwa vwẹ abọ rọyen vwo ruiruoo.
26 Ọkieje yen o vwo vwo urhuru,Ẹkẹvuọvo ọvwata kẹ okẹ, o siẹ emu vuọvo nẹẹ.
27 Izobo rẹ ohwo umwemwu tuẹn Ọghẹnẹ oma.
Ma bra kparobọ kẹ ọke rọ da vwọ kpahotọ vẹ orharhe ẹwẹn!*
28 Oseri rẹ efian che ghwu,Ẹkẹvuọvo ohwo rọ kerhọ che phikparobọ ọke ro de soseri.*
29 Ohwo umwemwu nẹrhẹ ihwo roro nẹ ọyen fiudugberẹ,Ẹkẹvuọvo ohwo ọsoso yen erọnvwọn che yovwin kẹ.
30 O vwo aghwanre, ọmrẹvughe, yẹrẹ uchebro vuọvo rọ vwọso Jihovaa.
31 E muegbe rẹ iyesi phiyotọ hẹrhẹ ẹdẹ rẹ ofovwin,Ẹkẹvuọvo obọ ri Jihova yen usivwin nẹcha.
