Isẹ 2:1-22
2 Ọmọ mẹ, wo de rhiabọreyọ eta mẹJe vwẹ ẹro ọghanghanre vwo ni iji mẹ,*
2 Womarẹ wo vwo rhie erhọ wẹn phiyọ vwọ kẹ aghwanreJi rhie ubiudu wẹn phiyọ vwọ kẹ ọmrẹvughe;
3 Vwọba, wọ da nokpẹn rẹ ẹruọJi kperi se ọmrẹvughe;
4 Wọ da guọnọ ọkieje kirobo ra guọnọ idọnọ efuanfon,Wọ da je hiẹ guọnọ ọkieje kirobo ra hiẹ guọnọ efe re sinu;
5 Ku wo che vwo ẹruọ rẹ oshọẹdjẹ ri Jihova,Wo ji che vwo erianriẹn rẹ Ọghẹnẹ.
6 Kidie Jihova komobọ yen kẹ ohwo aghwanre;Erianriẹn vẹ ọmrẹvughe nẹ unu rọyen cha.
7 Ọ sẹro rẹ aghwanre vwọ kẹ ihwo ọsoso;Ọyen ekpọfia vwọ kẹ ihwo re sẹro rẹ ọyọnregan.
8 Ọ rhẹrẹ idjerhe rẹ ihwo ri brorhiẹn ọsoso,Ọ je cha rhẹrẹ idjerhe rẹ ihwo rọyen re fuevun.
9 Ku wo che vwo ẹruọ rẹ obo re dia ọsoso, abavo kugbe uyota,Erọnvwọn eje ri yovwirin.
10 Ọke rẹ aghwanre da ro evunrẹ ubiudu wẹnErianriẹn da je dia vwevwerhen kẹ erhi* wẹn,
11 Ẹgba iroro kọ cha rhẹrẹ owẹ,Ọmrẹvughe je cha sẹro wẹ,
12 Ro vwo sivwin uwe nẹ idjerhe ọbrabra,Vwo nẹ obọ rẹ ohwo rọ ta erharhe eta.
13 Vwo nẹ ohri rẹ ihwo ri vrẹn nẹ idjerhe ọsosoRa yan vwẹ idjerhe rẹ ebri,
14 Vwo nẹ obọ rẹ ihwo re mrẹ umiovwo ghọghọ,Ihwo re mrẹ aghọghọ vwẹ umwemwu eruo,
15 Ihwo rẹ idjerhe rayen phiọnreeRẹ ọsoso rẹ akpeyeren rayen je vọn vẹ ophiẹnvwe.
16 O che sivwin uwe vwo nẹ obọ rẹ orharhe rẹ aye* na,Vwo nẹ eta re vwiọrọvwiọrọ* rẹ ọvwọfanrhiẹn rẹ aye na,
17 Ro chukokuẹ ugbeyan* rẹ ọke eghene rọyenJe kpairoro vrẹ ọphọ rẹ Ọghẹnẹ rọyen;
18 Kidie uwevwin rọyen divwẹn rua evunrẹ ughwu,Idjerhe ra wan kpo uwevwin rọyen ji suẹn ohwo kpo ushi.
19 O vwo ọvuọvo vwẹ usun rẹ ihwo ri nene vwerhẹn na* ro che rhivwin rhee,Ayen ji che se rhivwin kpo idjerhe rẹ arhọọ.
20 Ọtiọyena gbe nene idjerhe rẹ ihwo esiriRere wọ je dia idjerhe rẹ evwata,
21 Kidie ihwo ọsoso ọvo yen cha dia otọrakpọ na,Ihwo ri jẹ ekan evwo* yen ji che chekọ vwọ.
22 A cha ghwọrọ ihwo umwemwu nẹ otọrakpọ na,E ji che si ihwo rẹ ophiẹnvwe no.
