Библия ачиз валэктэ, мар кароно сое валан понна. Кытын гинэ тӥ дышетскемын медад луэ но кыӵе гинэ калыкысь медад потэ, Инмарлэн иворез, кудӥз Библиын гожтэмын, «валантэм луэ уд шуы... кыдёкын ӧвӧл со» (Кыкетӥ Закон 30:11).

Мар кароно, Библиез валан понна

1. Шонер мылкыд. Библия шоры учке Инмарлэн Кылыз шоры кадь. Зӥбыт-востэмесь луэ, малы ке шуоно «Инмар вылтӥяськисьёслы пумитъяське» (Иаков 4:6; 1 Фессалоникаослы 2:13). Эскерон ортчытытэк, эн оске котьмалы, мае лыдӟиськоды но кылӥськоды,— Инмарлэн потэ, тӥ «визьмын валаса» мед улоды шуыса (Римъёслы 12:1, 2).

2. Визьлык курыса вӧсяське. Библиын гожтэмын: «Визьмыд вылэ эн пыкиськы» (Мадёнъёс 3:5). Со интые, Инмарлэсь визьлык куре, солэсь Кылзэ валан понна (Иаков 1:5).

3. Ялан эскерон ортчытэ. Библиез дышетон тӥледлы тросгес пайда ваёз, сое дырын-дырын гинэ дышетэм интые, ялан дышетӥды ке (Иисус Навин 1:8).

4. Темаосъя дышетэ. Темаосъя дышетон, яке Библиысь нимысьтыз темаез эскерон, валаны юрттэ, малы со дышетэ. Нырысь эскере капчи дышетонъёсты, собере басьтӥське «быдэ вуонэ» нуись, яке секытгес, темаос борды (Еврейёслы 6:1, 2). Кылбуръёсты ог-огенызы ӵошатыса, тӥ адӟоды, Библилэн пӧртэм люкетъёсыз ог-огзэс валэкто шуыса, озьы ик со люкетъёссэ но, кудъёссэ «валаны шуг» (2 Пётр 3:16).

5. Мукетъёсызлэсь юрттэтсэс эн палэнтэ. Библия мылкыдмес ӝутэ, юрттэт басьтыны соослэсь, кинъёс Библиез шонер валало (Апостолъёслэн ужъёссы 8:30, 31). Иеговалэн Адӟись-Ивортӥсьёсыз ӵекто, дун тырытэк, Библиез дышетыны. Нырысетӥ даурысь христианъёс сямен, Библиез уже кутыса, соос валэкто, малы зэмзэ ик дышетэ Библия (Апостолъёслэн ужъёссы 17:2, 3).

Мар со понна кулэ ӧвӧл

1. Туж визьмо луон яке нимысьтыз дышетскон. Иисус Христослэн дас кык апостолъёсыз священной Гожтэмъёсты валало вал но мукетъёсызлы валэкто вал, соосты «дышетскымтэ, огшоры адямиосын» лыдъязы ке но (Апостолъёслэн ужъёссы 4:13).

2. Коньдон. Библиез дышетон понна, коньдон кулэ ӧвӧл. Иисус аслаз дышетскисьёсызлы вераз: «Дунтэк басьтӥды, дунтэк сётэлэ» (Матфей 10:8).