Fakamatalaga mō Tino Kolā ka ‵Kau Atu ki te Fono
FONO FAKAPITO
TE GALUE I TE PETELI A tino talai papatiso kolā ko taki 35 tausaga io me mai lalo, kae ne tino ‵nofo tumau kolā e fia‵fia o tavini atu i te Peteli, e ‵tau o fakatoka ke ‵kau atu ki te fono mō tino ga‵lue i te Peteli i te fakatutonu o te Aso Lima. Ka faka‵pula atu a te koga mo te taimi ka fai ei te fono tenei.
AKOGA MŌ TINO TALAI O TE MALO
A paenia kolā ko nofo olotou tausaga i te va o te 23 mo te 65 kae fia fakalauefa atu te lotou taviniga, e ‵kami atu ke ‵mai ki te fono mō tino kolā e fia ‵kau atu ki te Akoga mō Tino Talai o te Malo i te fakatutonu o te Aso Sa. Ka faka‵pula atu a te taimi mo te koga ka fai ei te fono tenei.
FAKAMATALAGA MŌ TINO KOLĀ KA ‵KAU ATU KI TE FONO
TAINA FESOASOANI Ne fakatoka a taina fesoasoani ke fesoasoani atu ki a koe. Fakamolemole, ke ga‵lue fakatasi katoatoa mo latou mai te tau‵tali atu ki te lotou takitakiga e uiga ki te faka‵tuga o mea fakatele‵tele, te auala ke olo atu ei a tino, te tausiga o nofoga, mo nisi mea aka.
TE PAPATISOGA Ka tausi a nofoga tafa ki mua mō tino ka papatiso seiloga ke fakasi atu me e se penā. E ‵tau o saga‵saga a tino ka papatiso i konā a koi tuai o kamata te lāuga mō te papatisoga i te taeao o te Aso Ono. E ‵tau o puke mai ne tino taki tokotasi se solo mo se gatu koukou telā e mata ‵lei.
MEAALOFA Ne fakamāumāu eiloa a tupe e uke i te fakatokaga o nofoga, mea faka‵lasi leo, mo nisi mea aka ko te mea ke gali kae fesoasoani mai foki ki a tatou ke momea aka te ‵tou fakapili‵pili atu ki a Ieova. E fesoasoani eiloa olotou meaalofa tupe ke ‵kava te ‵togi o mea konei kae ke ‵lago atu foki ki te galuega i te lalolagi kātoa. Ko oti eiloa ne fakamailoga a pokisi o meaalofa kae faka‵tu i koga katoa o te fale tenei ke pili atu ki a koutou. E fakafetai eiloa matou mō meaalofa kolā ko oti ne tuku mai. E fia fakafetai atu foki a te Potukau Pule mō te otou ‵lago atu mo te kaimalie ki manakoga o te Malo.
FESOASOANI MUAMUA Masaua me i te fakatokaga tenei mō FAKALAVELAVE ‵TUPU FAKAFUASEI.
MEA ‵GALO MO MEA MAUA E ‵tau o avatu a mea katoa kolā e se i a koutou ki te Matagaluega telā e tausi ne ia a Mea ‵Galo mo Mea Maua. Kafai ne galo sau mea, ke fanatu ki te matagaluega tenei o onoono ki ei. Ko tama‵liki kolā ko ‵galo mai i olotou mātua e ‵tau o avatu ki te koga tenei. Kae e se ‵tau eiloa o fakaaoga a te koga tenei mo fai se koga tausi tamaliki. Fakamolemole tausi faka‵lei otou tama‵liki, kae ke ‵nofo faeloa i ou tafa.
NOFOGA Fakamolemole ke mafau‵fau ki nisi tino. Masaua me e mafai fua o tausi ne koe a nofoga mō tino kolā e faima‵laga fakatasi koutou i te motoka, e ‵nofo tasi koutou i te fale, io me e suke‵suke fakatasi koutou ki te Tusi Tapu. Fakamolemole, sa tuku a mea luga i nofoga kolā e se tausi ne koe.
TE TAVINIGA FAKAVOLENITIA Kafai e fia fesoasoani atu koe ki galuega kolā e aofia i te fakatokaga mō te fono, fakamolemole, ke fanatu ki te Matagaluega o Fakamatalaga mo te Taviniga Fakavolenitia.
Ne Fakatoka ne te Potukau Pule o Molimau a Ieova
