Mekesini ko te Faleleoleo Maluga mo te Ala Mai!
E mafai o ‵kopi mai ‵tou mekesini kolā e fakavae ki te Tusi Tapu i ‵gana e 150 tupu. E fakaasi mai i Te Faleleoleo Maluga a te uiga o mea ‵tupu i te lalolagi e ‵tusa mo valoaga i te Tusi Tapu. E fakamafanafana atu i ei ki tino e uiga ki te tala ‵lei o te Malo o te Atua kae fakamalosi aka i ei a te fakatuanaki ki a Iesu Keliso. E fakaasi mai i te Ala Mai! a te auala ke fakafesagai atu ki fakalavelave i aso nei kae ati aka te loto talitonu ki te folafolaga a te Mafuaga e uiga ki se lalolagi fou telā e filemu kae tokagamalie.
