KO E TAUA LE‘O—PULUSINGA AKO ‘Aokosi 2014
ʻOku maʻu ʻi he ʻīsiu ko ení ʻa e ngaahi kupu ako ki Sepitema 29 ki ʻOkatopa 26, 2014.
ʻOkú Ke Maʻu ʻa e “Meʻakaí ʻi he Taimi Totonu”?
Kuo pau ki ha tokotaha ke ne ala maʻu ʻa e fakamatala kotoa ʻoku tokonaki mai ʻe he tamaioʻeiki anga-tonú kae malava ai ke ne kei hanganaki mālohi fakalaumālie?
Ko e Hā ʻa e Ngafa ʻo e Kakai Fefiné ʻi he Taumuʻa ʻa Sihová?
Ako fekauʻaki mo ʻene ʻuhinga ki he kakai tangatá mo e kakai fefiné ʻa e angatuʻu kia Sihová. Fakakaukau ki he hokosia ʻa e niʻihi ʻo e kau fefine faitōnunga ʻi he kuohilí. Pehē foki, kumi ki he founga ʻoku tokoni ai ʻa e kau fefine Kalisitiané ki he ngāue ʻa e ʻOtuá ʻi he ʻahó ni.
Ngāueʻaki ʻa e Folofola ʻa e ʻOtuá ʻOku Moʻui Ia!
Ko e kotoa ʻo e Kau Fakamoʻoni ʻa Sihová ʻoku nau loto ke nau hoko ʻo ola lelei ʻi he ngāue fakafaifekaú. Fakakaukau ki he ngaahi fokotuʻu ʻaonga ʻe niʻihi ki he founga ke ngāueʻaki ai ʻa e mālohi ʻo e Folofola ʻa e ʻOtuá fakataha mo ʻetau ngaahi tulekí ke fetalanoaʻaki ai mo e kakaí.
Founga ʻOku ʻUnuʻunu Ofi Mai Ai ʻa Sihova Kiate Kitautolú
ʻOku fiemaʻu ke tau maʻu ha vahaʻangatae vāofi pea mo Sihova. Ako ki he founga hono fakamoʻoniʻi ʻe he huhuʻí pea mo e Tohi Tapú ʻoku tohoakiʻi kitautolu ʻe Sihova kiate ia.
Fanongo ki he Leʻo ʻo Sihová ʻi ha Feituʻu Pē ʻOkú Ke ʻi Ai
Ako fekauʻaki mo e mahuʻinga ke fanongo ki he leʻo ʻo Sihová pea fetuʻutaki mo ia. Ko e kupu ko ení te ne tokoniʻi kitautolu ke tau vakai ki he founga ʻe lava ai ke tau fakaʻehiʻehi mei hano fakaʻatā ʻa Sētane pea mo ʻetau hehema angahalaʻiá ke ne fakaleluʻi kitautolu mei he fanongo kia Sihová.
ʻFoki Mai ʻo Fakaivimālohiʻi Ho Fanga Tokouáʻ
Kapau naʻe mole mei ha tokoua ʻa e fatongia ko e mātuʻá, ʻe lava ke ne toe ʻkakapa atu ke hoko ko ha mātuʻaʻ?
Fehuʻi mei he Kau Lautohí
ʻI he taimi naʻe pehē ai ʻe Sīsū ko e faʻahinga ʻe toetuʻu maí “heʻikai te nau mali pe ko hano foaki atu kinautolu ʻi he mali”, naʻá ne talanoá ʻo fekauʻaki mo e toetuʻu ʻi he māmaní?
MEI HOTAU KUOHILÍ
Naʻe Tokoniʻi ʻe he “Tulama ʻIuliká” ʻa e Tokolahi Ke Nau Maʻu ʻa e Moʻoni Fakatohitapú
Ko e konga nounou ko ʻeni ʻo e “Tulama-ʻAta ʻo e Fakatupú” naʻe lava ke huluʻi ia ʻi he ngaahi feituʻu tuʻu mavahé, naʻa mo e ʻikai fiemaʻu ki ai ha ʻuhila.
