Fakamanatu ʻo e Pekia ʻa Sīsuú

Mōnite, Maʻasi 22, 2027

Tuʻo taha ʻi he taʻu, ʻoku fakamanatu ʻe he Kau Fakamoʻoni ʻa Sihová ʻa e pekia ʻa Sīsuú ʻo hangē ko ia ko ʻene fekaú: “Hanganaki fai eni ko hoku fakamanatu.”—Luke 22:19.

ʻOku mau fakaafeʻi koe ke kau ʻi he kātoanga ko ení.

Ngaahi Fehuʻi ʻOku Toutou ʻEke

Ko hai ʻe lava ke kau mai ki aí?

ʻOku ʻatā ki ha taha pē. Fakaafeʻi mai ha kaungāmeʻa pea ʻomai ki ai ho fāmilí.

Ko e hā ʻa e lōloa ʻo e polokalamá?

ʻE houa nai ʻe taha.

ʻE fakahoko ia ʻi fē?

Fetuʻutaki ki he Kau Fakamoʻoni ʻa Sihová ki he fakaikiiki fakalotofonuá.

Ko ha fiemaʻu pau ke kau ki ai pea ʻoku totongi?

ʻIkai.

ʻE fai ai ha tānaki paʻanga?

ʻIkai. ʻOku ʻikai ʻaupito ke mau tānaki paʻanga ʻi heʻemau ngaahi fakatahá.—Mātiu 10:8.

ʻOku ʻi ai ha tuʻunga pau ʻo e ʻai valá?

ʻIkai. Kae kehe ʻoku feinga ʻa e Kau Fakamoʻoni ʻa Sihová ke nau teuteu ʻi ha founga ʻoku fakahāhā ai ʻa e fakaʻapaʻapa ki he kātoanga toputapu ko ení.

Ko e hā ʻe fakahoko ʻi he Fakamanatú?

ʻE ʻi ai ha malanga fakalototoʻa fekauʻaki mo e mahuʻinga ʻo e pekia ʻa Sīsuú mo e founga ʻe lava ke tau maʻu ʻaonga ai mei he meʻa kuo fai ʻe he ʻOtuá mo Kalaisi maʻa kitautolú. Ko e polokalamá ʻe kamataʻaki mo fakaʻosiʻaki ha hiva mo e lotu.

Ki ha fakaikiiki lahi ange, sio ki he kupu “Ko e Hā ʻOku Kehe Ai Hono Fakamanatu ʻe he Kau Fakamoʻoni ʻa Sihová e Kai Efiafi ʻa e ʻEikí mei he Founga e Ngaahi Lotu Kehé?”

Ko fē taimi ʻe fakahoko ai ʻa e Fakamanatú ʻi he kahaʻú?

2027: Mōnite, Maʻasi 22

2028: Sāpate, ʻEpeleli 9

2029: Tuʻapulelulu, Maʻasi 29

Te Ke Fie Vakai Foki ki Heni

FAKAMANATU

Kau Fakamo‘oni ‘a Sihova