‘UHINGA ‘OKU MAHU‘INGA AÍ: Ko e tokolahi ‘o e kau kuí ‘oku ‘ikai ke nau ongo‘i fiemālie ke talanoa ki ha sola. Ko ia ai, ‘oku fiema‘u ‘a e pōto‘i ke faifakamo‘oni kiate kinautolu. ‘Oku fakahaa‘i ‘e Sihova ‘a e tokanga anga-‘ofa ki he kau kuí. (Liv. 19:14) ‘Oku lava ke tau fa‘ifa‘itaki kiate ia ‘aki ‘a e tamu‘omu‘a ‘i hono tokoni‘i fakalaumālie ‘a e kau kuí.

FOUNGA HONO FAI IÁ:

• “Kumi” ki he kau kuí. (Māt. 10:11) ‘Okú ke ‘ilo ha taha ‘oku ‘i ai hano fāmili ‘oku kui? ‘Oku ‘i ai ha ‘apiako ‘i ho feitu‘ú pe ‘api ‘oku tokanga‘i ai e kau kuí pe ha feitu‘u kehe te nau sai‘ia ke ma‘u ‘a e ‘ū tohi ki he kau kuí?

• Fakahaa‘i ‘a e mahu‘inga‘ia fakafo‘ituitui. Ko ho‘o anga-fakakaume‘a mo e mahu‘inga‘ia loto-mo‘oní ‘e tokoni ia ki he tokotaha kuí ke ne fiemālie. Feinga ke kamata‘i ha fetalanoa‘aki ‘i ha kaveinga fakalotofonua ‘oku mahu‘inga‘ia ai ‘a e kakaí

• Tokonaki ha tokoni fakalaumālie. Ke tokoni ki he fa‘ahinga ‘oku kui pe ‘ikai lelei ‘enau sió, ko e kautahá kuo nau fa‘u ha ‘ū tohi ‘i he ngaahi fōmeti kehe. ‘Eke ki he tokotahá ‘a e founga ‘okú ne sai‘ia ke ako aí. Ko e ‘ovasia ngāué ‘oku totonu ke ne fakapapau‘i ko e sevāniti tohí te ne fakafonu ha kole ki ha tohi ‘o fakatatau ki he fiema‘u ‘a e tokotaha kuí