AKO 19
Feinga ke Aʻu ki he Lotó
Palōveepi 3:1
MEʻA KE FAÍ: Tokoniʻi ʻa hoʻo kau fanongó ke nau houngaʻia ʻi he meʻa ʻoku nau akó pea ngāueʻaki ia.
FOUNGA KE FAI AI IÁ:
-
Tokoniʻi ʻa hoʻo kau fanongó ke nau fai ha sivisiviʻi-kita. ʻEke ha ngaahi fehuʻi fakatupu fakakaukau ke tokoni ki he kakai ʻi hoʻo kau fanongó ke nau sivisiviʻi ʻenau ngaahi ongoʻí tonu.
-
Hoko ʻo fakaueʻiloto. Fakaʻaiʻai ʻa hoʻo kau fanongó ke nau sivisiviʻi ʻa e ʻuhinga ʻoku nau fai ai ʻa e ngaahi ngāue leleí. Tokoniʻi kinautolu ke nau fakatupulekina ʻa e fakaueʻiloto lelei tahá—ʻofa kia Sihova, kaungāfaʻahinga ʻo e tangatá pea ki he ngaahi akonaki Fakatohitapú. Fakaʻuhinga mo hoʻo kau fanongó; ʻoua ʻe ngāhiʻi kinautolu. ʻI he ʻikai fakamaaʻi kinautolú, ʻai ke nau loto-toʻa ʻi he hili hoʻo malangá, ʻo ueʻi kinautolu ke fai honau lelei tahá.
-
Fakahanga ʻa e tokangá kia Sihova. Fakamamafaʻi ʻa e anga hono tapua mai ʻe he ngaahi akonaki, tefitoʻi moʻoni mo e fekau Fakatohitapú ʻa e ngaahi ʻulungaanga ʻo e ʻOtuá mo ʻene ʻofa ʻiate kitautolú. Fakatupulekina ha holi ʻi hoʻo kau fanongó ke nau fakakaukau ki he ngaahi ongoʻi ʻa Sihová pea fakahōifuaʻi ia.