Naʻe tala ʻe Sīsū ki hono kau muimuí ke “ngaohi ko e kau ākonga ʻa e kakai ʻo e ngaahi puleʻanga kotoa pē.” (Mātiu 28:19, 20) ʻI he fekauʻi atu ʻe Sīsū ʻene muʻaki kau ākongá, naʻá ne fakahinohinoʻi ke nau ʻalu ki he ʻū ʻapi ʻo e kakaí. (Mātiu 10:7, 11-13) Hili ʻa e pekia ʻa Sīsuú, naʻe hokohoko atu ʻa e kau Kalisitiane he ʻuluaki senitulí ke fakamafola ʻenau pōpoakí “ʻi he ʻao ʻo e kakaí pea mei he fale ki he fale.” (Ngāue 5:42; 20:20) ʻOku mau muimui ki he faʻifaʻitakiʻanga ʻa e muʻaki kau Kalisitiané pea ʻiloʻi ko e ngāue fakafaifekau mei he fale ki he falé ko ha founga lelei ia ke aʻu ai ki he kakaí.