ʻOku Taʻofi ʻe he Kau Fakamoʻoni ʻa Sihová ha Ngaahi Faiva, Tohi pe Hiva Pau?
ʻIkai. ʻOku ʻikai ke sivisiviʻi ʻe heʻemau kautahá ʻa e ngaahi faiva, tohi pe hiva pau koeʻuhí ke puleʻi ʻa e meʻa ʻoku totonu ke fakaʻehiʻehi mei ai ʻa e tokotaha taki taha. Ko e hā hono ʻuhingá?
ʻOku fakalototoʻaʻi ʻe he Tohi Tapú ʻa e tokotaha taki taha ke akoʻi ʻene “ngaahi mafai ʻiloʻiló” ke ʻiloʻi ʻa e tonú mo e halá.—Hepelū 5:14.
ʻOku ʻomai ʻe he Folofolá ʻa e ngaahi tefitoʻi moʻoni tefito ʻe lava ke fakafuofuaʻi mei ai ʻe ha Kalisitiane ʻa e fakafiefia ke filí. a ʻI he tafaʻaki kotoa ʻo e moʻuí, ko ʻemau taumuʻá ke “hanganaki fakapapauʻi ʻa e meʻa ʻoku fakahōifua ki he ʻEikí.”—ʻEfesō 5:10.
ʻOku akoʻi ʻe he Tohi Tapú ko e ngaahi ʻuluʻi fāmilí ʻoku nau maʻu ʻa e kiʻi mafai, koeʻuhí ʻe lava ke nau fili ke ʻoua ʻe fakaʻatā ha fakafiefia pau ke fai ʻi hono falé. (1 Kolinitō 11:3; ʻEfesō 6:1-4) Kae kehe, ʻi tuʻa mei he fāmilí, ʻoku ʻikai ha taha ʻoku fakafatongiaʻi ke ne taʻofi ʻa e ngaahi faiva, hiva pe kau hiva pau koeʻuhi ʻoku taʻefakahōifua ki he Kau Fakamoʻoní fakalūkufua.—Kalētia 6:5.
a Ko e fakatātaá, ʻoku fakahalaiaʻi ʻe he Tohi Tapú ha faʻahinga meʻa pē ʻokú ne pouaki ʻa e ngāue fakafaʻahikehé, ʻulungaanga taʻetaau fakaefehokotaki fakasinó pe fakamālohí.—Teutalōnome 18:10-13; ʻEfesō 5:3; Kolose 3:8.
Te Ke Fie Vakai Foki ki Heni
TALANOA TĀ FAKATĀTĀ
Keimi: Ko Koe ʻOku Mālohí?
ʻOku lava ke fakafiefia ʻa e keimí, ka ʻoku toe ʻi ai hono fakatuʻutāmaki. ʻE lava fēfē ke ke fakaʻehiʻehi mei ai pea hoko ʻo lavameʻa moʻoní?
AKONAKI MEI HE TOHI TAPÚ
ʻAhiʻahiʻi ʻEmau Ako Tohi Tapú
Maʻu ha ako Tohi Tapu fetalanoaʻaki taʻetotongi mo ha faiako.