Osambo 21:1-13

  • Ɛtshɔkɔ le nkumekanga kayaɛkɛ le Jehowa

    • Lɔsɛnɔ l’otale lakawasha nkumekanga (4)

    • Atunyi wa Nzambi wayɔlɛndjama (8-12)

Le ɔnɔmbɔdi. Ngɛngu ka Davidɛ. 21  Jehowa le, lo wolo ayɛ kangɛnangɛna+ nkumekanga;Ande efula kangɛnangɛnande etsha ayɛ wa panda+ lee!  2  Wɛ ambookotshɛ nsaki y’otema+ ande,Ndo wɛ hawodimi kɛnɛ kalɔmba ɛlɔmɔ ande. (Sela)  3  Nɛ dia wɛ akahomana la nde la ɛtshɔkɔ efula;Wɛ akahɛ dɛmbɔ dia nkoso dia la paonyi ka dimɛna* lo ɔtɛ+ ande.  4  Nde akakɔlɔmbɛ lɔsɛnɔ, ko wɛ akawoshalɔ,+Lɔsɛnɔ l’otale,* la pondjo pondjo.  5  Etsha ayɛ wa panda mboshaka lotombo+ l’efula. Wɛ akawosha kɛnɛmɔ ndo lɔnɛnɛ.  6  Wɛ akɔɔtshɔkɔla lo pondjo;+Wɛ akɔɔngɛnyangɛnya la ɔlɔ wa laleyɛ.*+  7  Nɛ dia nkumekanga ndjaɛkɛka le Jehowa;+L’ɔtɛ wa ngandji ka kɔlamelo ka Ɔnɛ-Laheme-Tshɛ, nde hasutshasutshamaki+ pondjo.*  8  Lonya layɛ layonda atunyi ayɛ tshɛ;Lonya layɛ l’omi layonda wanɛ wakohetsha.  9  Wɛ ayowaetɛ oko nkuka ka dja l’etena kakashikikɛma lam’ayoyowadja yimba. Jehowa ayowamɛna lo nkɛlɛ kande, ndo dja yayowatshumba.+ 10  Wɛ ayolanya tokanula* tawɔ oma la nkɛtɛ,Ndo anawɔ oma l’atei w’ana w’anto. 11  Nɛ dia vɔ waki la kanyi ya kosalɛ kɛnɛ kele kɔlɔ;+Vɔ wakakongɛ tokanyi tahatolowana.+ 12  Nɛ dia wɛ ayowakaloya ɛkɔngɔkɔngɔ+Lo mbɛdiya ota* ayɛ otsha le wɔ.* 13  Jehowa le, onɛɛ lo nkudu kayɛ. Sho tayemba esambo wa lotombo* dikambo dia wolo ayɛ.

Nɔtɛ ka l'ɛse ka dikatshi

^ Kana “kambɛdiama.”
^ Tshɛk., “Otale wa nshi.”
^ Tshɛk., “elungi kayɛ.”
^ Kana “hatshingatshingaki (hasɛlɔki) pondjo.”
^ Tshɛk., “elowa.”
^ Kana “ɛkɔdi w’ota.”
^ Tshɛk., “lo dungi diawɔ.”
^ Tshɛk., “tayemba ndo tayohoma mishiki.”

Copyrights ka okanda ɔnɛ