E fofou te Atua ki tatou ke ola filēmū ma te fiafia i luga o te lalolagi palataiho e fakavavau!

Hōvē e mafaufau vēia koe, ‘E tupu vēhea tēia mea?’ E lea mai te Tuhi Paia ka mafai oi fai e te Mālō o te Atua, ma ko te finagalo o te Atua mo nā tino uma ke akoako e uiga ki te Mālō ma tana fuafuaga mo ki tatou.​—Halamo 37:​11, 29; Ihaia 9:7.

E fofou te Atua ke maua e ki tatou nā aogā.

E vē he tamana lelei e manakomia ni mea e pito hili mo ana fānau, e fofou te tatou Tamana i te lagi ke maua e ki tatou te fiafia e fakavavau. (Ihaia 48:​17, 18) Kua folafola mai e ia ko “te tino e ia faia te finagalo o te Atua, e ola pea lava ke pa ki te fakavavau.”​—1 Ioane 2:​17.

Ko te Atua e fofou ki tatou ke havavali i ana auala.

E lea mai te Tuhi Paia ko Tē na Faia ia Mea Uma e fofou ke “akoako mai foki e ia ki a te ki tatou” ke mafai ki tatou oi “havavali i ona auala.” (Ihaia 2:​2, 3) Kua fakamaopoopo e ia “ni tino ke fai ma ona tagata” ke fakailoa atu tona finagalo ki te lalolagi kātoa.​—Galuega 15:14.

E fofou te Atua ki tatou ke kau fakatahi i te tāpuaki atu ki a te ia.

I lo te fevaevaeaki o nā tino, ko te tāpuakiga mamā a Ieova e kaufakatahi ai ki latou i te alofa moni. (Ioane 13:35) Ko ai e akoako nā tāne ma fafine i hō he mea i te auala e kaufakatahi ai ke kaukauna atu ki te Atua? Ko ki matou e valakaulia koe ke hakili atu e ala i te tamā tuhi tēnei.