Epone loipedoria ijo aimedaun noi kotoma aisisiaeta kanu nuka ebaibuli
Kingitu icetunganan aisisianakin ijo: Kolimok itunganan yenejaikini ijo iitabo yen ebe ikoto ijo aisisia Ebaibuli, arai bo nat kingitu aisisia Ebaibuli kolagokosi loka, jw.org/teo.
ATUTUBET NASODIT
Kosiom nginitiakunet, aimoriarit aingiseta nuka akiro nuidikok (A) keda ikokoron (B) luikeunitos akiro nuepolok. Kojen ebe ikokoron ice iwadikatai ebe “kosiom.”
ATUTUBET NAKOKIDING
Akiro nuegeete (C) katutubet Kisisiau Nuipu itetemitos akiro nuetupakinete. Akwes nudidik nuka akiro (D) itegearitos akiro nuepolok. Kosiom ikokoron, obongonok aingiseta, ka asesen ibidion (E).
Irereo aputosia ka akiro nuitetemitos aputosia ngun (F), kosodi aomoom epone lobongokinet akiro nuejaas atutubet naebala ebe Ebakasi Icetunga Ebe (G).
ATUTUBET NAKAWASIA
Nuidau Aisisiaun keda Ainyogoor (H) kesi engetakinete aisisiaet. Iwadikak apaarasia nuingetakinitor ijo aisisiaet. Nuebeit Ijo Aitodolikin (I) einakinitos ijo nuibusakinit aswam. Isisiau Bobo Nuta (J) ejaatar keda iboro luipedori ijo aseun aisiom arai bo aite.
Epone lodumunet ikokoron luka Ebaibuli
Itodiaritai ikokoron kopone loka aiwadikakin ekiror loka eitabo loko Obaibuli (A), esuula (B), keda ekokoro arai bo ikokoron (C). Kwape aanyunet, Yokana 17:3 erai apolouke ebe eitabo loka Yokana, isuulai 17, ikokoron 3.
