Hoe ty filoha ty GBM, ndra ty Fitambara ty Fikambanagne Dime Magneran-tane Magnampe Ara-bola ty Tane Andalam-pandrosoagne, tamy volagne Jona 2022: “Atahoragne hiharaty indraike ty toe-karena magneran-tane. Mitombo malaky ty vilin-draha amy izao, ie amy izao o ndatio vao mainke tsy manam-bola.”

 Hoe ka ty Fikambanagne Iraisam-pirenena Miomba ny Fagnajariam-Bola (FMI): “Nionjogne malaky ty vily o saribò-o, o menakeo, o petrolio vaho o hanegneo, le nanjare nisy voka’e amy ty fiaigna o ndaty amo o tane mahatrao agne.”

 Afake magnampe antikagne hahafantatse ty anto’e mampisy o olagne ara-toe-karena amy izaò ty Baiboly. Rehafegne ao ka ty fomba hiatrehagne izay naho tihoe misy raha azontika tamaegne vao miomba ty vahaolagne maharetse amy io.

•   Atao ty Baiboly tihoe “andro fara’e” ze o fotoagne iaignantikagne zao.​—2 Timoty 3:1.

•   Nirehafe i Jesosy fa hisy “raha mampatahotse” ndra raha miseho mampatahotse ty amo o fotoagne iaignantikagne zao. (Lioka 21:11) Mahavy o ndatio hatahotse ty fionjogna o vilim-piaignagneo. Manjare minekoneko iareo tie hanao akore ty hoavy iareo, ho vita iareo avao vao ty hagnomey ze raha ilae ty keleia iareo.

•   Fa nirehake mialoha ty boke Apokalypsy fa hionjogne ty vilin-draha amo o fotoagne iaignantikagne zao. “Naharey hoe feo … nanao tihoe raho tie: ‘Raike denaria ty vily ty varem-bazaha kilò raike sady raike denaria ty vare orza telo kilò.’”​—Apokalypsy 6:6.

 Naho te hipay fagnazavagne miomba ty “andro fara’e” naho i faminaniagne amy ty boke Apokalypsy ao rey rehe, le henteo ty video tihoe Niova ty Tontolo toy Nanomboke Tamy 1914, sady vakio ka ty lahatsoratse tihoe “Iza Ireo Mpitaingin-tsoavaly Efatra?”

•   “Hamboatse tragno o ndatio, le hitoboke ao sady hanao teteke famboleagne voaloboke le hihinagne ze voka’e. Tsy hamboatse tragno hitoboha o ndaty hafa reke ndra hambole raha hohane o ndaty hafa.”​—Isaia 65:21, 22.

•   “Hahavokatse ty tane toy, le ndra ty ambone i vohitsey ho vokatse iaby.”​—Salamo 72:16.

•   “‘Satria ampijalégne o ndaty mijaleo sady miontoke o mahantrao, le hitsangagne raho sady hanao raha’, hoe ty Jehovah.”​—Salamo 12:5. a

 Tsy ho ela ty Andrianagnahare, le hamoagne o olagne ara-toe-karena amy izaò, tsy tihoe amy ty firenena raike avao fa magneran-tane. Vakio ty lahatsoratse tihoe “Tsy ho Sahiragne Ara-toe-karena vao o Ndatio Indraike Andro Agne?” naho tea’o ho fantatse ty fomba hanoa’e izay.

 Ndra tie amy izao aza, le fa afake magnampe azo hiatreke ty fionjogna o vilim-piaignagneo ty Baiboly. Amy ty fomba akore? Misy torohevetse azo ampiharegne amy ty fomba ampiasaegne o volao am-pahendreagne ty ao. (Ohabolana 23:4, 5; Mpitoriteny 7:12) Naho mipay fagnazavagne fagnampe’e rehe, le vakio ty lahatsoratse tihoe “Arovy ny Fanananao” naho tihoe “Ahoana Raha Lasa Mihena ny Vola Miditra Aminao?”