Fale zahay fa nandineke ty bokekele toy rehe, le mahafantatse anay Vavaolombelo i Jehovah sady mahafantatse ty asa anoe’ay naho ty fandaminagne misy anay. Va’e nitrea’o ka fa izahay ro mikezake manao ze zoton’arofon’Andrianagnahare. Mandrisike azo hanohy hianatse ty miomba aze zahay sady hirehake ze raha nianara’o amy ty longo’o, ragne’o naho hivory ama’ay agne.—Hebreo 10:23-25.

Miankigne amy ty fianara’o miomba i Jehovah ty hahafantara’o fa tea’e vata’e rehe. Ho tea’o ka ty hanoro ty hatea’o aze (1 Jaona 4:8-10, 19) Akore ty hanoa’o izay sanandro? Mahasoa azo vao ty fagnorihagne ty lili’e? Inogne ty hagnampe azo hazoto hanao ze zoton’arofon’Andrianagnahare miharo ama’ay? Hagnampe azo hahatrea ty vale’e ty mpagnanatse Baiboly azo. Izay ty hahavy azo naho ty keleia’o ‘tsy hisintake amy ty fikokoan’Andrianagnahare’ sady ‘hinday azo mbamy i havelogne nainai’ey mbeo.’—Joda 21.