Tito 2:1-15
2 Mú ikháán arasngáa má xúʼko̱ rí nambánii ga̱jma̱a̱ kiʼsngáa rí májánʼ.+
2 Xa̱bekha bi̱ itháan wanii gíʼmaa muñewa̱a̱n rí nuni̱, mani̱ndxu̱ún gamajkuiin, mundxa̱ʼwa̱míjna̱ májánʼ, makuwá májánʼ náa fe, rí musngajma ngajua ga̱jma̱a̱ rí maʼngu̱u̱n.
3 Xúʼko̱ má gu̱ʼu̱ bi̱ wanii ma̱ngaa, gíʼmaa muni̱ dí májánʼ rí maxnúu gamajkhu Dios, ragíʼmaa muni̱ xtujtaa ni má manigu̱u̱nʼ muwa̱a̱n wéñuuʼ vino,* gíʼmaa majmañún musngáa rí májánʼ,
4 mu xúʼko̱ ma̱ndoo muxnún consejo bi̱ tikhu gu̱ʼu̱ú mu maʼndún kuñún ajmbiu̱ún ga̱jma̱a̱ e̱jñu̱ún,
5 gundxaʼwamíjna̱ májánʼ, ganindxu̱u̱ kaʼwu rí nuni̱, guñewa̱a̱n májánʼ guʼwún ga̱jma̱a̱ ganindxu̱ún míjíinʼ gu̱ʼu̱, gunimbu̱u̱n kuñún ajmbiu̱ún,+ mu xúʼko̱ xájuiʼthá dí raʼkhí ga̱jma̱a̱ numuu ajngóo Dios.
6 Xúʼko̱ má kayuuʼ gátani̱ gajmiáanʼ bi̱ tikhu jiámáá, araxnún consejo mu xúʼko̱ mundxa̱ʼwa̱míjna̱ májánʼ,+
7 ganindxa̱a̱ʼ ikháán mbá xkri̱da náa xúgíʼ ñajunʼ májánʼ rí natani̱. Arasngáa ga̱jma̱a̱ gamajkhu rí nindxu̱u̱ kaʼwu*+
8 ga̱jma̱a̱ ajngáa májánʼ* rí xándoo miʼtá numáá,+ mu xúʼko̱ xa̱bu̱ sia̱nʼ matiñu̱u̱nʼ ga̱jma̱a̱ xáguáʼdáá nimbá dí raʼkhí muthi ga̱jma̱a̱ numulú.+
9 Bi̱ ni̱ndxu̱ún ñumbáá gíʼmaa munimbu̱u̱n xúgíʼ rí gúthún bi̱ nutañajúúnʼ:+ Gunimíjna̱ muni̱ rí nanigu̱u̱nʼ ga̱jma̱a̱ xúriʼñún ga̱jma̱a̱ ajngáa xkawiʼ,
10 xúni̱ kuʼwún,+ gíʼmaa musngajma rí ni̱ndxu̱ún míjíinʼ mu xúʼko̱ maku̱mu̱ún kuñún, mu xúʼko̱ muni̱ tsíʼyáa xúgíʼ kiʼsngáa ndrígóo Dios bi̱ Naʼni káwáánʼlú.+
11 Rí májánʼ wéñuuʼ a̱jkiu̱u̱n Dios* nikujmaa índo̱ ni̱ʼkha̱ kayóo rí maʼni káwíin xúgíinʼ enii xa̱bu̱.+
12 Rígi̱ naʼsngúlú rí mu̱ʼni̱ gáʼdu̱u̱nʼ xúgíʼ rí tsénigu̱u̱ʼ Dios, ma̱ngaa mu̱ʼni̱ gáʼdu̱u̱nʼ dí nagua̱ʼa̱ mu̱ʼni̱ dí rígá náa numbaaʼ+ ga̱jma̱a̱ mundxa̱ʼwa̱míjna̱ májánʼ, makuwáánʼ jmbu, ma̱ngaa rí mbuʼyamajkuíí Dios náa majñu̱u̱ʼ numbaaʼ rígi̱,*+
13 guguaʼthi̱i̱n má xúʼko̱ ga̱jma̱a̱ gagi rí mundrígúu+ ga̱jma̱a̱ xóo mitsaanʼ* gásngájmaminaʼ Dios ma̱ngaa Jesucristo bi̱ Naʼni káwáánʼlú.
14 Ikhaa nixnájximinaʼ ga̱jma̱a̱ numulú+ mu maʼni káwáánʼ+ náa xúgíʼ enii dí ra̱májánʼ ga̱jma̱a̱ mu maʼni kaʼwáanʼ mu manindxu̱lú mbá xuajin kiejuunʼ ndrígóo, ma̱ngaa ikhaa ra̱ʼkhá tháán eyoo maʼni ñajunʼ rí májánʼ.+
15 Aratá má xúʼko̱ ga̱jma̱a̱ numuu rígi̱, araxná consejo, atáxprígú ga̱jma̱a̱ xó má ñajunʼ dí nikhánaaʼ matani̱.+ Xátatsiʼñáminaʼ rí nimbáa xáʼyámajkuaaʼ.
