Joel 2:1-32
2 “¡Gúndiyíí chi̱ji̱ʼ náa Sion!+
Gúndxa̱ʼwa̱ rí muxmijná náa kúbá ndrígóʼ rí kaʼwu.
Gaguiʼíin xúgíinʼ xa̱bu̱ xuajin.¡Na̱ʼkha̱ mbiʼi ndrígóo Jeobá!+ ¡Gíʼ mijngii!
2 Mani̱ndxu̱u̱ mbá mbiʼi dí mikína mbiʼ,+mbá mbiʼi dí mata̱ʼa̱a̱ du̱u̱n ga̱jma̱a̱ rujmbaaʼ skuniʼ,+xó má índo̱ najtsi nambiʼi taʼmáʼ kúbá.
Rígá mbá xuajin náa kúwíin mbaʼin xa̱bu̱ ga̱jma̱a̱ guáʼdáá tsiaki̱i̱.+Nimbá míʼtsú tárígá xuajin xóo rígi̱,ní ma xátanga̱a̱ marigá,náa xúgíʼ tsiguʼ rí maguwáʼ rakúwá e̱jñu̱ún.
3 Náa inuu ikhaa na̱jkha̱ mbá aguʼ rí naʼni gámbáaga̱jma̱a̱ náa kidxuuʼ nakha riʼyu̱u̱ aguʼ dí natsikháa xúgíʼ.+
Ku̱ba̱ʼ dí rígá náa inu ikhaa nindxu̱u̱ xóo jardín* dí nirígá náa Edén,+mú dí naguanúu kidííʼ nindxu̱u̱ xóo ku̱ba̱ʼ mijxooʼ,*nda̱a̱ nimbá rí maʼngo̱o̱ makríya̱a̱ʼ.
4 Ikhiin kiejxu̱u̱n xóo wáyúga̱jma̱a̱ nagáñún xóo wáyú bi̱ nagún náa guerra.+
5 Xóo nagadínxíin náa inuu kúbá, aʼwún nawáán xóo carro,+xó má índo̱ aguʼ natsikháa iná nijndooʼ.
Nindxu̱ún xóo mbá xuajin dí gíʼdoo tsiaki̱i̱ bi̱ naguajún tseniiʼ mu muxmijná.+
6 Ga̱jma̱a̱ numuu ikhiin xúgíinʼ xa̱bu̱ xuajin bi̱ kúwá náa i̱ʼwáʼ xuajin maxmiéjúúnʼ.
Xúgíinʼ maʼni miʼxájtiinʼ.
7 Nagún mbájmbu mu muxmijná xóo mbáa xa̱bu̱ xkujiiʼ,nutsimún náa xtájtsí xóo soldado,mámbáa ejkha̱ náa kaʼyoo maʼgaga̱jma̱a̱ nimbáa tségájnuriyo̱o̱ʼ.
8 Na̱nguá ermajnguamijna̱,mámbáa xa̱bu̱ na̱jkha̱ náa kambo̱o̱.
Á mu mbáa nuxnáá ga̱jma̱a̱ ajua̱nʼ,eʼwíinʼ nagún má xúʼko̱ náa kaʼyoo magún.
9 Natu̱ʼu̱u̱n náa xuajin, nagáñún náa tsu̱du̱u̱ xtájtsí.
Natsimún náa guʼwá, natu̱ʼu̱u̱n náa ventana xóo mbáa kuʼwáʼ.
10 Índo̱ ikhiin nagún, ku̱ba̱ʼ naʼba̱a̱n ga̱jma̱a̱ mekhu naʼbajngaa.
A̱jkha̱ʼ ga̱jma̱a̱ gu̱nʼ nakháñún+ga̱jma̱a̱ a̱ʼgua̱a̱n nánguá mbiʼiin.
11 Jeobá makuxi̱ aʼwóo náa soldado ndrígióo,+ numuu dí ra̱ʼkhá tháán mbaʼin.+
Numuu rí bi̱ naʼnimbánuu ajngóo gíʼdoo wéñuuʼ tsiaki̱i̱.Numuu rí mbiʼi ndrígóo Jeobá nindxu̱u̱ mba̱a̱ ga̱jma̱a̱ gamíi wéñuuʼ.+
Tsáa gáʼngo̱o̱ gákríya̱a̱ʼ rá.”+
12 “Rí xúgi̱ eʼthí Jeobá, gatangáanʼla náa ikhúún ga̱jma̱a̱ xúgíʼ a̱jkia̱la,+gurkuéyimijná,*+ gumbi̱ya̱ʼ ga̱jma̱a̱ gagáwíinʼ a̱jkia̱la.
13 Gagáwíinʼ gajkhun a̱jkia̱la,+ raʼkháa i̱ndó xtíñálá xkuʼtu,+gatangáanʼla náa Jeobá Dios ndrígala,numuu dí ikhaa naʼngo̱o̱ a̱jkiu̱u̱n ga̱jma̱a̱ nagáwíinʼ a̱jkiu̱u̱n, tsékiʼnáa nacha̱,+ ma̱ngaa gíʼdoo ngajua rí tsétumuu,*+ikhaa mariʼkhu̱u̱ rí nindxa̱ʼwáminaʼ, ní xákuʼma gamiéjunʼ.
14 Mbáa ikhaa mariʼkhu̱u̱ dí niraʼwíí maʼni,+mu xúgi̱ Dios maʼni tsajkurámáanʼlamu xúʼko̱ muxnajxí tsigijñaʼ dí tsígáʼ ga̱jma̱a̱ tsigijñaʼ dí nagadirámuuʼ náa Jeobá Dios ndrígala.
15 ¡Gúndiyíí chi̱ji̱ʼ náa Sion!
Gutañájunʼ* rí murkueyimijná, gugímbíin xa̱bu̱ mu mani̱ndxu̱u̱ mbá mbiʼi kiejuunʼ.+
16 Gugímbíi̱n xa̱bu̱ xuajin, gu̱ni̱ kaʼwíinla xa̱bu̱.+
Gugímbíi̱n xabuanii. Gugímbíin e̱ji̱n ga̱jma̱a̱ e̱ji̱n bi̱ xóó nuxúúnʼ.+
Bi̱ nacho̱o̱ manigúnʼ gagajnúu náa cuártiu̱u̱ ga̱jma̱a̱ bi̱ nacho̱o̱ manujúnʼ gagajnúu náa cuártiu̱u̱.
17 Náa inuu pórtico* ga̱jma̱a̱ náa mijngii gíʼ dí nakarámáʼ tsigijñaʼ,+gúmbi̱ya̱ʼ ndxajkun, bi̱ nindxu̱ún xa̱bi̱i̱ Jeobá, ga̱jma̱a̱ gúthi:
‹Gagáwíinʼ a̱jkia̱a̱nʼ xtayáá xuajñaanʼ Jeobá.Xátani̱ rí mutsijmaa dí kaʼyaaʼga̱jma̱a̱ dí matatsiʼñáánʼ rí xa̱bu̱ bi̱ kúwíin náa i̱ʼwáʼ xuajin mutañajunʼ.
Mu xúʼko̱ xa̱bu̱ xuajin xúthi “Náá xtáa Dios ndrígala rá.”›+
18 Ikhú Jeobá mañewu̱u̱n má xúʼko̱ ku̱bo̱o̱ʼ,ga̱jma̱a̱ masngájma rí nagáwíinʼ a̱jkiu̱u̱n kaʼñún xa̱bu̱ xuajñuu.+
19 Jeobá maʼthúún xa̱bu̱ xuajñuu:
‹Gi̱i̱ xtáa rakuʼmá tsígáʼ, vino nuxi̱ʼ, aceite,ga̱jma̱a̱ ikháanʼla magiʼmala.+Xániʼñúuʼ rí xa̱bu̱ xuajin muri̱ya̱ʼ majkuala má xúʼko̱.+
20 Xa̱bu̱ sia̱nʼ bi̱ na̱ʼkha̱ náa norte maʼgá ka̱ya̱a̱ mitsínguánʼ náa ikháanʼla.Maxidiríʼiin náa mbá ku̱ba̱ʼ mijxooʼ ga̱jma̱a̱ náa niguanáa,ga̱jma̱a̱ maxkawíin soldado bi̱ wájun náa inaaʼ xígií náa lamáa náa nagájnuu a̱jkha̱ʼ*ma̱ngaa soldado bi̱ wájun náa kidxaaʼ maxkawíin xígií náa lamáa náa narámaaʼ a̱jkha̱ʼ.*
Rí ndajtsíinʼ maʼga roʼoo náa xúgíʼ ku̱ba̱ʼ,+rí xkawiʼ ndajtsíinʼ maʼga roʼoo má xúʼko̱.Numuu rí Dios maʼni dí mitsaanʼ* wéñuuʼ›.
21 Xámíñáaʼ ku̱ba̱ʼ.
Gaʼdxaaʼ ga̱jma̱a̱ araxtaa gagi numuu rí Jeobá maʼni rí mitsaanʼ wéñuuʼ.
22 Xujkhú xáná xámíñalaʼ,numuu dí ku̱ba̱ʼ dí rígá náa ku̱ba̱ʼ mijxooʼ náa rígá rajxa̱ maʼni maxaʼ+ga̱jma̱a̱ ixi̱ maxná xndúu.+Ixi̱ higo ga̱jma̱a̱ ixi̱ uva maxná xúgíʼ xndúu.+
23 Ikháanʼla e̱ji̱i̱n Sion, gaʼdxala ga̱jma̱a̱ gákuwáanʼ gagi ga̱jma̱a̱ numuu Jeobá Dios ndrígala.+Numuu dí ikhaa maxnála ruʼwa rí naxnúu guapoo.Makuʼma ruʼwa náa ikháanʼla,ruʼwa guapoo ga̱jma̱a̱ ruʼwa rí naxnúu nda̱wa̱á, xó má nákha ginii.+
24 Náa naxtujtsi̱i̱ tsígáʼ majthíí tsígáʼ rí kaʼwuga̱jma̱a̱ náa nuxujmbi̱i̱ uva magadírígú vino nuxi̱ʼ ga̱jma̱a̱ aceite.+
25 Ikhúún ma̱ni̱ numa̱a̱ʼla ikháanʼ xúgíʼ rí ni̱ni̱ mbátigala náa tsiguʼ rí ninújngoonáa rí ikháanʼ nidula ni̱ʼphu̱ tsíʼbu* bi̱ guáʼdáá xniúúʼ ga̱jma̱a̱ tsíʼbu bi̱ raguáʼdáá xniúúʼ, tsíʼbu bi̱ nuni̱ gámbáa ga̱jma̱a̱ tsíʼbu bi̱ na̱nguá eniña̱a̱ʼ nimbá,ra̱ʼkhá tháán mbaʼin bi̱ nikuʼmíin náa ikháanʼla.+
26 Gajkhun rí mupiʼtsula asndu magiʼmala+ga̱jma̱a̱ mu̱ni̱ mba̱a̱ mbiʼyuu Jeobá Dios ndrígala,+bi̱ niʼni rí mitsaanʼ wéñuuʼ ga̱jma̱a̱ numala.Xuajñunʼ ni xátanga̱a̱ magajnúu gamajkuu.+
27 Ikháanʼla mbuya̱a̱ gajkhun rí ikhúún xtáá náa majñu̱u̱ʼ Israel+ga̱jma̱a̱ rí ikhúún nindxu̱ʼ Jeobá Dios ndrígala.+ ¡Ndawa̱a̱ i̱mba̱a̱!
Xuajñunʼ ni xátanga̱a̱ magajnúu gamajkuu.
28 Nda̱wa̱á maxidírámuuʼ espíritu santo* ndrígóʼ+ náa xúgíinʼ enii xa̱bu̱.*E̱jñu̱ún ga̱jma̱a̱ wa̱ʼxiúúnʼ mutari̱ya̱ʼ dí marigá nda̱wa̱á,xabuanii maguaʼdáá xnuʼndaajiámá marigá dí mawasngájmúún.*+
29 Asndu náa xa̱bekha ga̱jma̱a̱ gu̱ʼu̱ bi̱ nindxu̱ún ñumbáá ndrígóʼmaxidírámuuʼ espíritu santo ndrígóʼ náa ikhiin mbiʼi rúʼko̱.
30 Ma̱ni̱ milagros dí itháan mba̱ʼu̱ náa mekhuíí ga̱jma̱a̱ náa tsu̱du̱u̱ ku̱ba̱ʼ:Marigá eʼdi, aguʼ ga̱jma̱a̱ maʼni wéñuuʼ gúní.+
31 A̱jkha̱ʼ maʼni̱i̱ kínáa ga̱jma̱a̱ gu̱nʼ maʼni̱i̱la eʼdi+nákha xóó tséʼkha̱ mbiʼi gamíi ndrígóo Jeobá.+
32 Xúgíinʼ bi̱ gúgriga̱a̱ mbiʼyuu Jeobá makáwíin.+Náa kúbá Sion ga̱jma̱a̱ náa Jerusalén makuwá bi̱ makáwíin,+ xó má niʼthí Jeobá,bi̱ nikáwíin, bi̱ Jeobá nindxaʼwún”.
