MĚHABARẸ̌—GUNANG PĚNGANGĚNDUNGANG September 2019
Bawasang ini lohone pěngangěndungang gunang 28 Oktober–1 Desember 2019.
Yehuwa Měngẹ̌ngarěga Kasasanạu Naung Manga Ělang’E
Kasasanạu naung kai sipatẹ̌ sěbạe penting harusẹ̌ piạ si kitẹ. Kerea pẹ̌bawal᷊ui makal᷊ahẹ kasasanạu naung i kitẹ?
Armagedon Ene Kai Habarẹ̌ Mapia!
Situasi apa sarung mariadi maraning Armagedon? Kerea tadeạu manga ělang i Yehuwa tatapẹ̌ masatia su tempong Armagedon kakạranine?
Kawe Nụe Tumuhụ si Yehuwa, kụ Kerea Carane?
Penatua, matimadẹ̌ esẹ, dingangu matimadẹ̌ wawinẹ botonge měngěndung bọu i Gubernur Nehemia, Datu Daud, dingangi Maria, mamạ i Yesus.
’Děntako si Siạ, kụ Iạ Sarung Měgělị Karal᷊ungsemahẹ̌’
Apa harusẹ̌ koateng i kitẹ gunang měnarimạ undangan ene? I kitẹ makaěbạ karal᷊ungsemahẹ̌ su al᷊ungu papasanengang i Yesus mạeng měkoạ tatělu hal᷊ẹ̌.
I Sai ”Komol᷊ang Gěguwạ”?
Su penglihatan i Yohanes, Yehuwa napakal᷊ahẹ i sai komol᷊ang gěguwạ sarung masal᷊amatẹ̌ bọu kasasusah masaria, kụ kerea kal᷊awọe i sire dingangu asal᷊i sire.
