Yesus botonge něgělị kesaksian tawe resmi su wawine Samaria ual᷊ingu i sie humotong nẹ̌bisara su wawine ene. Kerea tadeạu i kitẹ limembong matahuěna měnětạ mẹ̌bisara dingangu taumata buhudeng nipẹ̌sombangeng i kitẹ?

• Pakahimumu kụ pẹ̌bisarạe su taumata marani dingangi kitẹ. Maning nal᷊owe, Yesus něnětạ nẹ̌bawěke kětạeng dingangu bawera mẹ̌dorong inumang. I kau lai botonge měnětạ mẹ̌bisara kere měgělị adatẹ̌, bọu ene mẹ̌bisara soal u cuaca arau peristiwa buhudeng nariadi. Pẹ̌tahěndung, timonang i kitẹ ute měnětạ mẹ̌bawěke, hakị u ene pẹ̌bisarạe soal u topik makakoạ tau ene mapulu mẹ̌bawěke. Mạeng i sie madiri měněmpụ bisara, i kau tawe marugi. Pěnal᷊ukạe pẹ̌bisara su taumata wal᷊inẹ. Pẹ̌dorongke kawawahani si Yehuwa.​—Neh 2:4; Kis 4:29.

• Pakatitị měmanda kesempatan gunang měmahiạ habarẹ̌ mapia. Pẹ̌bawěkẹe kere biasane. Mạeng i kau langsung mẹ̌bisara hal᷊ẹ̌ rohani, tau ene aramanung seng madiri mẹ̌bawěke. Abe makadodọ naung mạeng bisara naědo sěmbal᷊ia i kau bědang tawe něgělị kesaksian. Mạeng i kau nakapěndang masigěsạ měgělị kesaksian tawe resmi, i kau botonge měngěndung měnětạ mẹ̌bawěke wiasa, kụ tawe harusẹ̌ měgělị kesaksian. [Putarẹ̌ kụ bisarai video 1.]

• Su tempong mẹ̌bawěke, pěkoạ kesempatan gunang měgělị kesaksian. I kau botonge mẹ̌běke soal u pangangimangu kụ makakoạ tau ene mapulu makasingkạ mal᷊awọ. Yesus nẹ̌bisara soal u hal᷊ẹ̌ nakakoạ wawine Samaria nẹ̌kiwal᷊o si sie. Su tempong nělahẹ habarẹ̌ mapia, sěběnarẹ̌e i Yesus kai simimbahẹ̌ kakiwal᷊ong wawine ene. [Putarẹ̌ kụ bisarai video 2, bọu ene putarẹ̌ kụ bisarai video 3.]