Yehuwa nẹ̌koa wawine humotong i Hawa, kụ nighělị nẹ̌koa kawing i Adam.​—Pěndariadi 2:21, 22.

Yehuwa nẹ̌koạ badang dingangu tiněnang i rẹ̌dua tawẹ kurange.

I rẹ̌dua mẹ̌tětanạ su Eden, tampạ mapaelẹ̌, masadadạ, piạ sal᷊ụe, kakaluang piạ buane dingangu haghing binatang.

Yehuwa měbẹ̌bisara dingang i rẹ̌dua, měnẹ̌něntiro si rẹ̌dua. Kụ mạeng dumaringihẹ̌, i rẹ̌dua mambeng měbiahẹ̌ turusẹ̌ su Firdaus su dunia.

 Yehuwa nẹ̌sěding si Adam dẹ̌dua, abe kaěng buang kalu sěmbaụ su tal᷊oarang binal᷊aeng. Kụ mạeng kanengang i rẹ̌dua mate.

Kụ piạ sěmbaụ malaekatẹ̌ limawang Mawu, malaekatẹ̌ dal᷊akị ene kai setang.

Setang mạdiri i Adam rẹ̌dua tumuhụ si Yehuwa, i sie nẹ̌pakẹ těmpu naul᷊ị si Hawa ”Hal᷊ẹ̌be konti enẹ; i kamene tawe mate.”​—Pěndariadi 3:1-5.