AGAROOSHSHU SHAE Ammajje 2015 | Loosatto Loosinni Hagiidha Dandaatto Gara
Batinyu manni loosanno looso baxanno, hattono loosu lowore kaaꞌlannota huwatino. Diinaggaawe loosa baxanno gede kaaꞌlinonsahu maati?
AANIIDI QOOLIHA COYI UMO
Diinaggaawe Loosa Yanna Saꞌinoreeti?
Mitu manni diinaggaawe loosa ayirrinyensa xeissannohu gede asse hedanno. Wolu batinyu manni kayinni diinaggaawe loosa baxanno. Konne manni loosanno loosinni hagiidhanno gede kaaꞌlinonsari maati?
AANIIDI QOOLIHA COYI UMO
Loonseemmo Loosinni Hagiidha Dandiineemmo Gara
Qullaawu Maxaafi loonseemmo loosinni hagiidhate kaaꞌlitanno amaale aanno gara afate nabbawi.
Yesuusi Gede Shooshaqootanna Shaqqadda Ikke
Umi Pheexiroosi 2:21 Yesuusi faale haꞌneemmo gede kultannonke. Guuntete xeꞌne noonkere ikkinummorono, Yesuusi gede shooshaqootanna shaqqadda ikka dandiineemmohu hiittoonniiti?
Yesuusi Gede Worbuullenna Wodanchitinannire Ikke
Qullaawu Maxaafi giddo borreessaminori Yesuusi akata anfeemmo gede kaaꞌlannonke. Yesuusi lawishsha harunsine isi gede worbuullenna wodanchineemmore ikka dandiineemmo gara afate nabbawi.
Daga ‘Yihowa Rosira’ Qixxeessa
Hundi Kiristaani dancha duduwo mageeshshi geeshsha sabbakkino? Umi xibbi diro sabbakate looso loosa wole yannanni roore shota ikkitanno gede assinori maa ikkara dandaanno?
Yihowa Alamete Doyichoha Rosiisate Loosonke Marraꞌꞌanni No
Dirinkera Yihowa soqqamaano dancha duduwo uulla woꞌmate aana kaajja gede sabbakkanno gede kaaꞌlinonsari maati?
Qullaawu Maxaafi Xaꞌmonna Dawaro
Alame gashshitannoti mitte mangiste abbitanno salaamenna keere hanni hedi. Maganu togoo gashshoote abbara eino qaali woꞌmannota ammanneemmohu mayiraati? Hatte mangistera moohate malino gashshaanchi hiikkoyeti?
