Umihu Faasiku ayyaani lowo geeshsha hasiisannoho. Hakko hashsha, Feriooni bayiru beettisi reyinota afi gedensaanni, Musera togo yiino: “Kiꞌnenna lsraeelete ilama baala fulle! Gobbaꞌya agurtine hadhe! Yitininte gede hadhine Kaaliiqa magansidhe!” (Fu 12:31) Yihowa mannasi agarannota leellishino.

Dirinketi Yihowa daga xagge Yihowa mannasi massaganninna agaranni noota leellishshanno. Qara biirora “Yihowa Suꞌmisinni Woshshino Manna” yitanno cuꞌmonni qixxeessinoonnihu donu mini tenne luphi asse leellishanno.

WOORWIIKI NOOHA DONU MINE DAAꞌꞌATA: “YIHOWA SUꞌMISINNI WOSHSHINO MANNA” YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLLE:

• Qullaawu Maxaafi rosaano 1914 hanafora mannu Qullaawa Maxaafa ammananno gede assate hiikkonne haaro uduunnicho horoonsidhino? Tini mayi guma abbitino?

• Insara 1916 nna 1918nni mayi fonqoli iillinonsa? Hatte yannara Yihowa dirijjitesi massaganni noota leellishannori maati?

• Yihowa daga gimbinsarono ammanansanni kaajjite heedhinohu hiittoonniiti?

• Yihowa daga 1935 wodanchitinohu haaru coyi hiikkonneeti? Tini kaaꞌlitinonsahu hiittoonniiti?

• Konne donu mine woy qooxeessiꞌnera noota Sinu Biiro daaꞌꞌattinoonniha ikkiro, Yihowa dagasi massaganninna agaranni noota leellishannoha ammanaꞌne kaajjishannore maa laꞌinoonni?