Inkupuzo Yefu lya Jesu

Lamande, kali 22 March 2027

Kamwiina mu cilimo, Impaki za Jehova bakopananga hamwiina kuhupula ifu lya Jesu sina mwa balayeleli habati kuti: “Mukupanganga bulyo kuti munihupule.”—Luka 22:19..

Tumimema inwe ni baluhasi lweenu kowu mukopano.

Impuzo Zibabuuzanga Ahulu Bantu

Njibaani baswanela kwiiza?

Bantu boonse batambulwa. Muwoola kwiiza ni balikani ni baluhasi lweenu.

Iprogramu kayihinde inako isikahi?

Kayihinde ihora yimwiina.

Iprogramu kayipangahalile kuhi?

Muwambe ni zumwi wee Mpaki za Jehova uwaanika mu cibaka cimuhala.

Heba nini kawaanika kwateni kana niswanela kuliha cimwi kapa cikusakahala kuti ni kuwaanikanga ku mikopano icilila?

Nee.

Kana kwiina kunewula?

Nee. Impaki za Jehova kabanewulisi bantu ku mikopano yaabo.—Matewu 10:8

Niswanela kuzwata bule?

Nihakuba kuti kakwiina zizwato zilukisezwe kuzwatwa kowu mukopano, Impaki za Jehova balikataza kwicilila inkelezo ya mwi Bibele ya kuzwata cee kute ni nkutwisiso.

Ziintunzi zeete ni zipangahale ku Nkupuzo?

Kakube ni ngambolo yeete ni itondeze butokwa bwe ifu lya Jesu ni mutuwoola kutusikizwa ku zabatupangili Ireeza ni Kreste. Mukopano kawutange ni kumana ca luzimbo ni ntapelo.

Kuti muwaane indaba cakwiizula, mubone indaba yahe webbusaiti itakuti “Ibakanzi Impaki za Jehova ha Bapanganga Mulalilo wa Simwiine mwi Nzila Ishutana ni Bulapeli Bumwi?”

Inkupuzo ya mu zilimo zicilila kayipangahale lili?

2027: Lamande, kali 22 March

2028: Lensunda, kali 9 April

2029: Labuune, kali 29 March

Impaki za Jehova