‘Ku ta va ni ku pfuka ka lava ku fa.’—Amintiṛo 24:15.

Ku tiva leswo . . .

swi ta ku txhavelela loko u feliwa hi vazrandzriwa vaku.—2 Ba-le-Korinte 1:3, 4.

swi ta ku ntsrhunxa ka ntxhavu wa ku fa.—Ba-Heberu 2:15.

swi ta ku nyika ku langusela loku tiyiki ka ku tlhela u tlhanganisiwa ni vazrandzriwa vaku lava fiki.—Yohan 5:28, 29.

Ina, hi kola ka swivangelo swizrazru:

• Xikwembu Nkulukumba i Mutumbuluxi wa wutomi. Bibele dzri li Yehovha Xikwembu Nkulukumba i ‘nhlovo ya wutomi’. (Amapsalma 36:9; Amintiṛo 17:24, 25) Munyiki wa wutomi bya swivumbiwa hinkwaswu leswi hanyaka hakunene a nga swi kota ku tlhelisela wutomi bya lweyi a fiki.

• Xikwembu Nkulukumba a pfuxe vhanu lava fiki a nkameni wa khale. Bibele dzri vulavula hi ntlhanu wa vhanu na vazrazru lava pfuxiwiki va tlhela va hanya a misaveni—ku nga vampshwa, swiduhwati, va xinuna ni va xisati. Vambeni a va ha ku fa, kambe mun’we afa a li a sizreni hi mune wa masiku!—Yohan 11:39-44.

• Xikwembu Nkulukumba awa swi navela ku tlhela a swi yentxa. Yehovha awa dzri venga lifu; a dzri vona dzri li nala. (1 Ba-le-Korinte 15:26) Yehovha awa swi ‘navela’ ku hlula nala lweyo, kumbe ku helisa lifu hi ku pfuxa lava fiki. Awa swi xuva ku pfuxa lava fiki lava nga miyanakanywini yakwe akuva a tlhela a va vona va hanya a misaveni.—Yob 14:14, 15.