Huti le conținutoste

Acharas tumen

Te anas amenghe amintea le merimastar le Isusosco

Savatone, 12 aprilia 2025

Acharas tumen ca dui programea, savende ci chiden-pe love

Cuvântarea biblico specialo

Daștil te avel arachlo o ciacimos?

Aven te dichen so phendea o Isus anda o ciacimos hai cai daștil te avel arachlo.

Rode iech than cai încărel - pe i cuvântarea specialo

Te anas amenghe amintea le merimastar le Isusosco

Ande cado baro ghies, le Martori le Iehovasche anen penghe amintea le merimastar le Isusosco, cadea sar poruncisardea vo. (Luca 22:19)

Pușimata șiutine butivar

Con daștil te avel?

Daștil te avel oricon camel. Daștis te anes sea chi familia.

Chichi timpo încăren cadal dui programea?

I cuvântarea biblico specialo încărel iech paș ceaso. Pala codoia, del-pe duma anda iech tema biblico hai daștil te lel partea oricon camel. Cadaia încărel iech ceaso.

O programo ande savo del-pe duma anda o merimos le Isusosco încărel iech ceaso.

Cai va încărena-pe cadal dui programea?

Caște jianes o than cai încăren-pe cadal dui programea, de clic po „Rode iech than cai încărel-pe i Comemorarea” sau po „Rode iech than cai încărel-pe i cuvântarea specialo”.

Trebul te pochinav dacă camav te jiav?

Nici.

Chiden-pe love?

Nici. Ca le întruniri le Martorenghe le Iehovasche ci chiden-pe love. (Matei 10:8)

Sar trebul te hureavav man?

Ci trebul tuche iech hureaimos specialo. Amen sar Martori le Iehovasche das amari zor te așunas so phenel-pe andi Biblia hai las pe amende iech hureaimos cai sicavel amari pachiv caring cado baro ghies.

Sar încărel-pe i Comemorarea?

Pâtras hai phandavas i întrunirea prin iech ghili hai prin iech manglimos cai si phendo catar iech Martoro le Iehovasco. Pala codoia, si încărdi iech cuvântarea cai sicavel sostar si cuci anda amende o merimos le Isusosco hai sar daisaras te țârdas miștimata anda o baro sacrificio cai cărde-les o Del hai o Cristos anda amende.

Cana cames te jianes mai but anda cadala, daștis te diches vi o articolo Sostar încăren le Martori le Iehovasche i Cina le Raieschi ande aver felo sar aver religii?.

Cana va încărela-pe cado evenimento ande le bărșa cai aven?

2025: savatone, 12 aprilia

2026: joine, 2 aprilia

2027: luine, 22 martia

Caște jianes mai but, dich le materialea video de mai telal.

Te anas-amenghe amintea le merimastar le Isusosco

Dich sar încărel-pe cado baro ghies hai so șucar viitorii ajucărel amen anda codoia că o Isus mulea anda amende.

Sostar mulea o Isus?

Daștil-pe că vi tu așundean că o Isus mulea anda amare păcatea. Tha sar daștil o merimos ieche manușesco te anel miștimata milioanea manușenghe?

Sar si le întruniri catar i sala le Regatoschi?

Caște jianes sar si amare întruniri dich cado video.

Descărchisar i invitația ande iech formato cai daștil te avel tipărime.