Sicaimata cai arachen-pe andi Biblia
Cado lil va ajutila tut te jias parpale ando timpo, cana citis so phenel i Biblia andai creația, anda sar năștiseilea o Isus hai lesco servicio hai sar va avela o Regato.
Lil cathar o Corpo de Guvernare
Sar daștil te avel folosime cado lil?
SICAIMOS 1
O Del cărdea o cerii hai i phuv
I Biblia phenel că o Del cărdea o cerii hai i phuv. Sostar cărdea o Del iech îngero mai anglal sar sea cadal buchia
SICAIMOS 2
O Del cărdea o iechto murș hai i iechto jiuvli
O Del cărdea o iechto murș hai i iechto jiuvli hai șiutea-le andi bar le Edenoschi. Vo camlea te avel len șiavorre hai te cheren i phuv iech paradiso.
SICAIMOS 3
O Adam hai i Eva ci așunde le Devlestar
Sostar sas specialo iech cașt andai bar le Edenoschi? Sostar halea i Eva anda lesco fructo?
SICAIMOS 4
I holi îngărdea co mudarimos
O Del primisardea o daro le Abelosco, tha le Cainosco nici. Cana o Cain așundea, holiardea-pe zurales hai cărdea iech baro nasulimos.
SICAIMOS 5
I arca le Noeschi
Chichiva îngeri avile pi phuv, line penghe rromniade mașcar le jiuvlea hai sas-len șiavorre uriași hai nasul. I phuv arăslea pherdi nasulimos. Tha o Noe sas-lo diferime: vo iubisardea le Devles hai așundea lestar.
SICAIMOS 6
Ohto jene așile andi viața co potopo
Co potopo dea o brâșând 40 ghiesa hai 40 ratia. O Noe hai leschi familia beșle andi arca mai but sar iech bărș. Ji la urmă, o Del phendea lenghe te înclen avri andai arca.
SICAIMOS 7
O Turno Babel
Le manușa astarde te cheren iech foro hai iech turno ucio ji co cerii. Sostar cărdea-len o Del te den duma de iech data șiba diferime?
SICAIMOS 8
O Avraam hai i Sara așunde le Devlestar
Sostar mechlea o Avram hai i Sara pengo chăr anda o foro Ur caște beșen andel țărhea ando them Canaan?
SICAIMOS 9
Ji la urmă iech șiavorro!
Sar avelas te pherel o Del so phendea le Avraamosche? Prin savo mașcar le șiave le Avraamosche:o Isaac sau o Ismael?
SICAIMOS 10
Anen tumenghe amintea cathar i rromni le Lotoschi
O Del cărdea te perel iag hai sulfo opral i Sodoma hai i Gomora. Sostar sas-le chosle cu seale dui forurea? Sostar trebulas te anas amenghe amintea cathar i rromni le Lotoschi?
SICAIMOS 11
Iech pachiamos zumado
O Del phendea le Avraamosche: „Mangav tut, le che corcore șiaves, hai an-les sar daro thabardo angla mande pe iech plain ando than Moria”. Sar avelas te nachel o Avraam părdal cado zumaimos?
SICAIMOS 12
I moștenirea sas dini le Iacobosche
Le Isaacos hai la Rebeca sas-len dui șiave gemeni cai bușionas Esau hai Iacob. Anda codoia că o Esau cărdilea o iechto, trebulas te avel lesche diniiech moștenirea specialo. Sostar mechlea peschi moștenirea anda iech ciaro tocana?
SICAIMOS 13
O Iacob hai o Esau cheren pacea
Sar sas-lo binecuvântime o Iacob catar iech îngero? Hai sar cărdea pacea le Esauosa?
SICAIMOS 14
Iech sclavo cai așundea le Devlestar
O Iosif cărdea so si orta, cu sea cadala nachlea prin but pharimata. Sostar?
SICAIMOS 15
O Iehova ci bâstărdea le Iosifos
Chiar cana o Iosif sas-lo dur pesca familiatar, o Del sicadea că si pașa leste.
SICAIMOS 17
O Moise alosarel te slujil le Iehovasche
Cana sas țâno, o Moise sas-lo salvime anda codoia că leschi dei cărdea iech lașio plano
SICAIMOS 19
Le anglune trin armaia
O faraono andea bibaht opral sea pesco poporo anda codoia că ci camlea te cherel iech corcori buchi.
SICAIMOS 21
I deș-to armai
Cadai armai cărdea cadichi de but nasul, că o baricano faraono ci mai daisardea te așel lenghe contra.
SICAIMOS 22
O miracolo cathar i Marea Loli
O faraono așilea andi viața ando timpo so sas le deș plăgi, tha so sas lesa cana o Del cărdea cado miracolo?
SICAIMOS 23
Iech solaharimos cărdo le Iehovasche
Le israeliți cărde le Iehovasche iech promisiunea specialo co plain Sinai.
SICAIMOS 24
Von ci încărde pengo solaharimos
Ando timpo so o Iehova delas le Moisesche Le deș porunci, o poporo cărdea iech baro păcato.
SICAIMOS 25
Iech tabernacolo anda i închinarea
Ande cadai țărha specialo sas i arca le legământoschi.
SICAIMOS 26
Le deșudui spioni
O Iosua hai o Caleb phende aver vareso anda o Canaano sar le coaver deș spioni.
SICAIMOS 27
Vazdine-pe contra o Iehova
O Core, o Datan, o Abiram, hai aver 250 murșa ci hachiarde iech buchi importanto anda o Iehova.
SICAIMOS 28
I măgărița le Balaamoschi del duma
I măgărița dichlea varecas cai o Balaam ci daștilas te dichel.
SICAIMOS 29
O Iehova alosarel le Iosuas
O Del sicadea le Iosuas buchia cai daștin te ajutin vi amen aghies.
SICAIMOS 30
I Rahav garavel le spionen
Le ziduri anda o Ierihono pele tele chi phuv, tha o chăr la Rahavaco așilea ande pânrende, chiar cana sas ando zido le forosco.
SICAIMOS 31
O Iosua hai le gabaoniți
O Iosua manglea le Devles ca o cham te așel po than. Așundea o Del lesco manglimos?
SICAIMOS 32
Iech nevo conducătorii hai dui tromane jiuvlea
Pala o merimos le Iosuasco, le israeliți andine închinarea le idolenghe. Arăsle te avel-len iech viața phari, tha prin o judecătorii Barac, i profetesa Debora hai i tromani Iael sas lenghe dino ajutorii!
SICAIMOS 33
I Rut hai i Naomi
Dui jiuvlea phivlea găle parpale ando Israelo. Iech anda cadala, i Rut, cărdea buchi po câmpo hai dichlea-la o Boaz.
SICAIMOS 34
O Ghedeon mardea le madianițen
Anda codoia că le madianiți cărde i viața le israelițenghi zurales phari, o poporo dea cingar caring o Iehova caște ajutil-len. Sar marde 300 soldați iech armata bari de 135 000 murșa cai jianenas te maren-pe?
SICAIMOS 35
I Ana manghel-pe caște avel-la iech șiavorro
O Elcana jial la Anasa, la Peninasa hai penghe șivorrența te anen închinarea le Iehovasche co tabernacolo anda o Șilo. Code, i Ana manghel-pe te avel-la iech șiavorro. Pala iech bărș, cărdiol o Samuel!
SICAIMOS 36
O solaharimos cai cărdea-les o Iefta
So solaharimos cărdea o Iefta hai sostar? So cărdea leschi șei cana așundea o solaharimos cai cărdea-les laco dad?
SICAIMOS 37
O Iehova del duma le Samuelosa
Le dui șiave le bare rașaiesche Eli slujinas sar rașaia co tabernacolo tha von ci încărenas le Devlesche legi. Tha o Samuel ci phiradea-pe sar von. O Iehova dea duma le Samuelosa.
SICAIMOS 38
O Iehova dea le Samsonos iech baro zuralimos
O Del dea le Samsonos iech baro zuralimos caște marel-pe le filistenența, tha cana o Samson phendea cathar avelas lesco zuralimos, le filisteni astarde-les.
SICAIMOS 39
O iechto rege le Israelosco
O Iehova șiutea angla le israeliți judecători caște conducin-len. Tha von camle iech rege. O Samuel machlea le Saulos sar rege le Israelosco, tha pala iech timpo o Iehova ci mai camlea ca vo te avel rege. Sostar?
SICAIMOS 40
O David hai o Goliat
O Iehova alosarel le Davidos te avel o rege le Israelosco anda codoia că o David sicadea pesco pachiamos anda o Del.
SICAIMOS 41
O David hai o Saul
Sostar iech anda cadal dui murșa urâl le coaveres hai sar phiravel-pe codo cai silo bidoșalo?
SICAIMOS 42
O Ionatan iech manuș loialo hai tromano
O șiavo le regesco arăsăl te avel iech amal pașardo le Davidosco.
SICAIMOS 44
Iech templo anda o Iehova
O Del așunel o manglimos le Solomonosco hai del-les bare privilegii.
SICAIMOS 49
Iech regina nasul si pedepsime
I Izabela șiol te avel mudardo o Nabot caște ciorel leschi răz! O Iehova dichel le buchia nasul cai voi cherel-len.
SICAIMOS 50
O Iehova feril le Iosafatos
Cana le națiuni dușmano phenen că aven contra i națiunea Iuda, o fidelo rege Iosafat manghel le Iehovasco ajutorii ando manglimos.
SICAIMOS 51
Iech manuș zuralo hai i țâni șeiorri israelito
Iech șeiorri israelito del duma pesca stăpânasa anda o baro zuralimos le Iehovasco hai cadaia îngărel ca iech miracolo.
SICAIMOS 52
I iagali armata le Iehovaschi
Sar arăsăl o slujitorii le Eliseiosco te hachiarel că „codola cai sile amența si mai but sar codola cai sile lența”?
SICAIMOS 54
Le Iehovas sas-les răbdarea le Ionasa
Sar arăslea iech mașcar le Devlesche profeți te avel nachado cathar iech baro mașo? Sar avilea vo avri othar? Hai so sicadea o Iehova cadale profetos?
SICAIMOS 55
O îngero le Iehovasco feril le Ezechias
Le Iudasche dușmani phenen că o Iehova ci va ferila le poporos.Tha athaven-pe zurales but!
SICAIMOS 56
O Iosia iubisardea i Legea le Iehovaschi
O Iosia arăslea te avel rege ando Iuda cana sas-les ohto bărșa, hai vo ajutisardea le poporos te risarel-pe ca i închinarea ciaci andini le Iehovasche.
SICAIMOS 57
O Iehova bișialel le Ieremias te predichil
So phendea o tărno Ieremia holiardea zurales but le phuren anda o poporo.
SICAIMOS 58
O Ierusalimo silo phagărdo
Codola cai beșen ando Iuda anen vi mai dur închinarea ca le devla hohamne. Anda codoia, o Iehova ci mai feril-len.
SICAIMOS 59
Ștar tărne șiave cai așunde le Iehovastar
Le tărne evrei camen te așen loialo le Iehovasche, chiar cana sile ando Babilono, ca i bar le regeschi.
SICAIMOS 60
Iech Regato cai va așela anda sea o timpo
O Daniel phenel so sicavel o pharo suno cai dichlea-les.
SICAIMOS 61
Von ci dine cianga angla i statuia
O Șadrac, o Meșac hai o Abed-Nego ci camle te anen închinarea angla i statuia cărdi le regestar Nebucadnețar.
SICAIMOS 62
Iech regato cadea sar iech baro cașt
O suno le Nebucadnețarosco sicavel lesche o viitorii.
SICAIMOS 63
Le dumes cai sas scriime po perete
Cana sile scriime le dumes neprinjiande hai so sicavenas?
SICAIMOS 64
O Daniel andi groapa pherdi lei
Mang-tut le Iehovasche ande fiesavo ghies cadea sar o Daniel!
SICAIMOS 65
I Estera scăpil pesche poporos
Iech tărni șei bi deiaco hai bi dadesco arăsăl ca i bar le regeschi persano hai si alosardi regina.
SICAIMOS 66
O Ezra sicavel le manușen i Legea le Devleschi
Le israeliți așunen so phenel o Ezra hai pala codoia cheren iech promisiunea specialo le Devlesche.
SICAIMOS 67
Le Ierusalimosche ziduri
O Neemia așunel că le dușmani camen te aven contra lenghe. Sostar ci daral o Neemia?
SICAIMOS 68
La Elisabeta sila iech șiavorro
Sostar sas phendo la Elisabetache rromesche că vi va daștila te del duma ji cana cărdiol o șiavorro?
SICAIMOS 70
Le îngeri phenen i vestea că năștisailo o Isus
Le păstori cai așunde i vestea jian sigo co Betleemo.
SICAIMOS 73
O Ioan lașiarel o drom angla o Isus
O Ioan barilea hai arăslea te avel iech profeto. Vo sicavelas le manușen că trebulas te avel o Mesia. So cărde le manușa cana așunde so phenelas o Ioan?
SICAIMOS 74
O Isus cărdiol o Mesia
So camlea te phenel o Ioan cana phendea le Isusosche că si o Bacrișo le Devlesco?
SICAIMOS 75
O Beng zumavel le Isusos
O Beng zumavel trin-var le Isusos. Save si le trin zumaimata? So cherel o Isus?
SICAIMOS 76
O Isus ujiarel o templo
Sostar nașavelo Isus le animalea anda o templo hai risarel opre le meseilea codolenghe cai paruven le love?
SICAIMOS 77
I jiuvli cathar i haing
I jiuvli samariteano așel uimime cana o Isus del duma lasa. Sostar? So buchi phendea lache o Isus cai ci mai phendea canicasche?
SICAIMOS 78
O Isus del duma anda o Regato
O Isus acharel chichivan te cărdion lesche discipoli hai „pescari manușenghe”. Pala iech timpo, vo sicavel 70 manușa mașcar codola cai jian pala leste te phenen i vestea lași.
SICAIMOS 79
O Isus cherel but miracolea
Oricai jial o Isus, le manușa nasfale aven leste, hai vo sastiarel savoren. Vo chiar uștiavel andal mule iecha șeiorra.
SICAIMOS 80
O Isus alosarel deșudui apostoli
Sostar alosardea-len o Isus? Anes tuche andi goghi lenghe anava?
SICAIMOS 82
O Isus sicavel pesche discipolen sar te manghen-pe
Anda so buchia phendea o Isus le discipolenghe te manghen-pe vi mai dur?
SICAIMOS 83
O Isus del te han mii manușen
So sicavel amenghe cado miracolo anda o Isus hai anda o Iehova?
SICAIMOS 84
O Isus jial po pai
Des chi sama so si ando ilo le apostolengo cana dichen cado miracolo?
SICAIMOS 86
O Isus uștiavel andal mule le Lazăros
Cana dichel la Maria că rovel, o Isus astarel vi vo te rovel. Tha lenghe asfa șiorde duchatar na pa but timpo arăsăn te aven asfa șiorde bucuriatar.
SICAIMOS 87
I palutni cina le Isusoschi
O Isus phenel buchia importanto pesche apostolenghe ca i palutni cina lența.
SICAIMOS 88
O Isus silo astardo
O Iuda avel andi bar Ghetsimani hai jial angla le but manușa pherde săbiența hai rovlianța caște astaren le Isusos.
SICAIMOS 89
O Petru phenel că ci prinjianel le Isusos
So întâmplosardea-pe andi bar le chăreschi cai beșelas o Caiafa? Hai so întâmplol-pe le Isusosa andral o chăr le Caiafasco?
SICAIMOS 91
O Isus silo uștiado andal mule
So bare buchia întâmposarde-pe pala so o Isus sas-lo mudardo?
SICAIMOS 92
O Isus sicavel-pe le murșenghe cai astaren mașe
So cărdea o Isus caște așunen-les atento?
SICAIMOS 93
O Isus jial parpale ando cerii
Angla te vazdel-pe co cerii, o Isus phenel pesche discipolenghe chichiva bare sicaimata.
SICAIMOS 94
O spirito sfânto avilea opral le discipoli
So baro zuralimos dea o spirito sfânto le discipolen le Isusosche?
SICAIMOS 95
Chanci ci daisardea te așiavel-len
Le conducători religioși cai mudarde le Isusos acana zumaven te așiaven lesche discipolen. Tha ci daștin.
SICAIMOS 96
O Isus alosarel le Saulos
O Saul si iech dușmano nasul le creștinengo, tha vareso cherel-les te paruvel-pe.
SICAIMOS 97
O spirito sfânto avel opral o Corneliu
Sostar bișialdea o Del le Petros ando chăr cadale manușesco, cai ci sas-lo iudeo?
SICAIMOS 98
O creștinismo arăsăl ca but națiuni
O apostolo Pavel hai codola cai găle lesa astarde te predichin ande thana duriarde.
SCAIMOS 99
O paznico le phandaimasco prinjianel o ciacimos
Pala so o Pavel hai o Sila încalaven iech demono, iech izdraimos phuveaco hai iech sabia cheren ca o ciacimos te arăsăl co ilo ieche paznicosco.
SICAIMOS 100
O Pavel hai o Timotei
Cadal dui murșa cheren buchi ande iech than sar amala hai slujitori le Devlesche mai but bărșa.
SICAIMOS 101
O Pavel silo bișialdo ca i Roma
Po drom si but pharimata, tha chanci ci daștil te așiavel cadale apostoles.
SICAIMOS 102
Le buchia anda o viitorii cai sas-le sicade le Ioanosche
O Isus sicadea lesche mai but buchia cai va avena ando viitorii.
SICAIMOS 103
„Te avel chio Regato”
Le buchia anda o viitorii cai o Del cărdea le Ioans te dichel-len hai save sile scriime ando lil Revelația sicaven sar va avela i viața pi phuv tela o raimos le Regatosco le Devlesco.
