Само пэрво ери стидя о Дэл Иегова a. Андэ Библия ԥэнэнпэ, кай во создал ла жувля и андя ла каринг о мануш. О Адамо сас кадя радо, кай ԥэндя: «Акэ кокали мэрнэ кокалендар и тила мэрня тилатар» (Бытие 2:22, 23). Кадяжэ и адес о Иегова камэл, кай всаворэ еря тэ авэн бахталэ.

Кала о мурш жэнийпэ, ай и жувли жал миростэ, вонэ моӷут тэ гиндон, кай андэ лэнго ери вся авэла идеально. Но дажэ если вонэ па чачимастэ любин ек еқэс, лэндэ всаек авэна дэсавэ проблемы (1 Коринфянам 7:28). Андэ кадэя брашура тумэ виарақэна лашэ советоря анда Библия, савэ поможына, кай тумаро ери тэ авэл инке май бахтало (Псалом 19:8—11).

СО ԤЭНЭНПЭ АНДЭ БИБЛИЯ. О хулай — ӷлава андо ери (Эфесянам 5:23).

О Иегова камэл, кай о хулай анда оди тэ заботийпэ пала пэстири хулаи (1 Петра 3:7). И хулаи — помошница важ о хулай, и лэсти трэбуй тэ стол патив пэр латэ и тэ любий ла (Бытие 2:18). О хулай, саво фартэ любий пэстиря хулая, лэла май бут тэ гиндой пала латэ, чем пала пэстэ (Эфесянам 5:25—29).

О Иегова камэл, кай и хулаи тэ стол бари патив по хулай (1 Коринфянам 11:3; Эфесянам 5:33). Кала о хулай прилэл ришэния, лати трэбуй тэ подритярэл лэс и анда вся оди тэ кандэл (Колоссянам 3:18). Если и хулаи терэл кадя, тоди вой авэла шукарни андэ лэстирэ и лэ Иеговастирэ яқа (1 Петра 3:1—6).

СОВЕТОРЯ

• Пушэн ек еқэстар, андэр со тумэнди трэбуй тэ парудёнпэ. Внимательно ашунэн и терэн вся, кай тэ ашэн май фэдэр

• Авэн терпеливи. Тумэнди лэдуенди трэбуй время, кай тэ присытён ек еқэстэ и тэ жувэн бахталэс

СО ԤЭНЭНПЭ АНДЭ БИБЛИЯ. Тумэнди важно тэ заботинпэ пала кода, со трэбуй ек еқэсти (Филиппийцам 2:3, 4). Тумэ трэбуй тэ цэнин ек еқэс. На бистрэн, кай о Иегова ԥэнэн пэстирэ служытелёнэнди тэ андярэн пэс «всаворэнца ковлэс» (2 Тимофею 2:24). Андэ Библия ԥэнэнпэ: «Дэко, кала на гиндой, со дэл дума, шынэл, сар шуряса, ай ко дэл дума годявэрнэс, дэл зор» (Притчи 12:18). Важ када тумэнди трэбуй драго тэ подтидэн и алава. Лэ Иеговаско свынто духо поможыя, кай андэ тумари дума тэ дицол любовь и доброта (Галатам 5:22, 23; Колоссянам 4:6).

СОВЕТОРЯ

• Англа кода, сар тэ подэн дума пала серьёзни вопросоря, мангэн лэ Дэвлэстар помощь, кай тумэ тэ авэн спокойни и внимательно тэ ашунэн

• Драго погиндон, со и сар тумэ ԥэнэна

СО ԤЭНЭНПЭ АНДЭ БИБЛИЯ. Кала тумэ пожэнисайлэ, тумэ ашэлэ, сар ек тила (Матфея 19:5). Но тумэ всаек дуй разни мануша, и тумэндэ можэт тэ авэл разно мнения. Важ када сытён, кай тумэндэ тэ авэл ек гиндо (Филиппийцам 2:2). Када особено важно, кала тумэ прилэн ришэнии. Андэ Библия ԥэнэнпэ: «Кала ту варисо запланировал и пушэс совето, тутэ вся вижала» (Притчи 20:18). Мэк и советоря анда Библия поможын тумэнди вмести тэ прилэн важни ришэнии (Притчи 8:32, 33).

СОВЕТОРЯ

• Росԥэнэн най кати, со тумэ гиндон или ӷанэн, но и кода, со тумэндэ по ди

• Советуйтесь ек еқэса англа кода, сар тэ прилэн важни ришэнии