Zhutin kodolenge kaske vorbis, te dikhen ande pende. Shuv opre pushajipe, te pinzharen opre, so hatyaren ande pengo jilo.

Zhutin kodolenge kon shunen tut, lashe jilesa te keren variso. Zhutin lenge, te gindin perdal sostar keren o lasho, thaj lashe jilesa te tordyon pasha o Jehova, pasha le manusha, thaj pasha la Bibliako sityaripo. Sityar len, de na dikh len tele, thaj kade ker, te na hatyarenpe nasules. Tye vorbenca pe kodo t’aves, lashi t’avel lengi voja, thaj o majbut te zhanen avri te anen ande pende.

Sikav opre po Jehova. Vazde avri, ke ande la Bibliako sityaripo, thaj ande laki kris, sar shaj pinzharas le Jehovas, thaj sar kamel amen. Le sama pe kodo, ke kon shunen tut, te dikhen so hatyarel o Jehova, thaj lossh te keren leske.