LEKTIONA 1
Hoi hi o latcho lab?
1. Hoi hi o latcho lab o Dewlestar?
O Dewel khamella, gai djiwenn i manusha i bachtelo djipen. Job gerdas i phub un hallauter, hoi djiwella, fotte job men gamella. An kek rar tsiro lell job o tselo tchilatcho kooma krik. Balle djiwell buda kek mendar an i traash. — Dikh pala an Gilja 34:8, 9.
An kek tsiro das i pralstuni, gai nai las o tchilatchepen, o nasslepen un o merepen krik. O latcho lab hi: O Dewel lell haki manushengri pralstuni krik, te anell lo peskri pralstuni pral i tseli phub. Dran peskri pralstuni anell job sasstepen un latchepen. — Dikh pala an Debleskro tsiro 11:15; 21:4.
2. Hoske hi o latcho lab jaake bud moldo?
O Dewel lell i tchilatche un hallauter, hoi menge dukella, mari phubjatar krik (2. Tessalonikarja 1:8). An hawo tsiro krell lo kowa? An i bibla hi pral ko tselo tchilatcho kooma an maro tsiro tchindes. Jaake haiwah mer, gai ko tsiro gar dur hi, gai taperell o Dewel dren. — Dikh pala an 2. Timoteo 3:1-5.
3. Hoi te krass mer kanna?
Kanna hunte haiwass mer dran i bibla, koon o Dewel tchatchepaha hi. I bibla hi ha i liil i gamlo dadestar. Joj penell menge, ha mer an maro tsiro i bachtleda djipen lah. Joj penell ninna, gai nai lah i djipen ap i phub hake tsireske. Awa, nai well kanna ninna jaake, gai khamenn wawar kowa gar, te haiwess tu, hoi i bibla tchatchepaha penella. Te khameh i fededa tsiro an bachtlepen, hunte djiness tu kokeres, ap kooneste tu shuneh. — Dikh pala an 2. Timoteo 3:12; Debleskro tsiro 14:6, 7.
Kate hatseh budeder
PRAL MENDE
Hoske dikas an i bibla?
I bibla tsikeras bud manushen o tchatchepen pral ko pharo kooma an o djipen. Khameh tu o tchatchepen ninna djinell? Kate nai dikeh, ha nashte leh i rakepen mentsa pral i bibla.
