БИБЛЕЙСКА УРОКЯ МАНУШЕСА, КОВАТО КА ПОМАГИНЕЛ ТУКЕ
„Шукар животос завинаги!“
Таро библейска урокя, колато керас бипаренгоро, ка ахальовес саве отговоря дел и Библия буте въпросиенге, сар например:
Сар те овел ман щастливо животос?
Жи кана ка овел кханилипе тай ка мъчинас амен?
Ка дикхав ли пак ме близконен, колато муле?
Мислинел ли о Дел манге?
Сар требе те молинав ман, за те шунел ман о Дел?
Бипаренгоро
О библейска урокя си бипаренгоро тай ка дас тут бипаренгоро о учебники-да „Шукар животос завинаги!“ тай Библия, ако нанай тут.
Удобно
Ащи те дикхен тумен е манушеса, ковато ка помагинел туке, на живо или ко интернети, кана тай кате си туке удобно.
На синян задължиме нисоса
Ащи те спиринес о урокя, кана мангес. Никхой нанай те традел тут те продължинес, ако на мангес.
Сар керен пес о библейска урокя?
Йекх мануш ка помагинел туке те ахальовес со сикавел и Библия тема по тема. Таро библейска урокя „Шукар животос завинаги!“ хари по хари ка ахальовес тари Библия со мангел те пхенел аменге о Дел тай сар ой ащи те помагинел туке. Ако мангес те жанес по-бут, дикх о клипи или десаве таро въпрося, колато бут мануша пучен е урокиенге.
Мангес ли те започнинес о урокя?
Натискине атхе, за те пишинес аменге кана мангес те започнинес о урокя.