Сар со пророкујнѓа о Исаија, е Јеховаскири организација бајрола сар никогаш англедер (Иса 54:2). Адалеске со бајрола добором сигате, ваљанена аменге неве дворане, конгресна сале хем јавера теократска објектија. Откеда ка градинен пе, ваљани те одржинен пе, а сар со накхела о време несаве ваљани те реновиринен пе. Сар асавке проектија дена амен прилика те да е Јеховаске амаро време хем сила?

• Шај те поможина кеда амари група проповедибаске тани ко редо те чистинел пе и сала.

• Шај те пријавина амен те добина обука башо адава сар те одржина амари сала.

• Шај те пхера и Молба за локален доброволец за изградба (DC-50) те шај привремено те поможина ки изградба или ко одржибе о теократско објектија ко тхана паше коте со живинаја.

• Шај те пхера и Молба за доброволец (A-19) те шај те поможина јекх курко или повише време ко Бетел или ко јекх јавер теократско објекти ко подрачје тари амари подружница.

ДИКХ О ВИДЕОКЛИПИ КО ПЛАНИ ТАНО НЕВО ГРАДЕЖНО ПРОЕКТИ — ИЗВАДОК, А ПАЛО АДАВА ОДГОВОРИН КО СЛЕДНА ПУЧИБА:

• Сар барило о број е видеоклипенгоро таро 2014 берш џи акана?

• Адалеске со амари организација керела са повише видеоклипија, саво проекти тано планиримо хем кеда ваљани те керел пе адава?

• Сар шај о доброволција те поможинен ко акава проекти?

• Ако мангеа те поможине ки изградба ко несаво побаро теократско објекти, соске ваљани те пхере и молба (DC-50) хем те учествујне ко проектија кола со надглединела лен о Локално оддел башо проектирибе хем градибе?

• Со сикавела кај о Јехова водинела акава проекти?

• Сар шај те поддржина акава проекти, чак ако нашти лично те поможина ко градибе?