И прво Пасха сине бут важно. Адаја рат, кеда дикхља кај лескоро првобијамо чхаво муло, о фараони вакерѓа е Мојсееске: „Уштен, џан туменге таро мло народо, тумен хем са о јавера Израелција! Џан, хем служинен е Јеховаске, сар со родинѓен!“ (2Мо 12:31). О Јехова сикавѓа кај заштитинела пле народо.

И современо историја е Девлескере народоскири јасно сикавела кај о Јехова понадари да водинела хем заштитинела пле слуген. Акава тано истакнимо ки јекх изложба ко амаро главно седиште е насловеа: „Народо кова со пхиравела е Јеховаскоро анав“.

ДИКХ О ВИДЕОКЛИПИ ОБИКОЛКЕ КИ ИЗЛОЖБА КО ВОРВИК: „НАРОДО КОВА СО ПХИРАВЕЛА Е ЈЕХОВАСКОРО АНАВ“, А ПАЛО АДАВА ОДГОВОРИН КО АКАЛА ПУЧИБА:

• Почминдор таро 1914 берш, ко кова нево начин о Истражувачија е Библијакере керѓе позорали е манушенгири вера ко е Девлескоро Лафи, хем саво сине о резултати таро адава?

• Сар сине испитими ленгири вера ко 1916 берш хем ко 1918 берш, хем саве доказија иси кај о Јехова водинела сине пли организација?

• Сар е Девлескере слуге ачхиле верна иако сине лен противибе?

• Саво нево хаљојбе добинѓе е Јеховаскере слуге ко 1935 берш, хем сар адава влијајнѓа упри ленде?

• Ако посетинѓан акаја изложба или и подружница ки тли пхув, кола буќа керѓе тли вера позорали кај о Јехова водинела хем заштитинела пле народо?