LEKCIJA 8
O prikladi, save sikhľaren
Matúš 13:34, 35
SO ODA HIN: Phen ajse prikladi, savenge hin lokes te achaľol a save chudena le jilestar. Paľis ola, so tut šunen, na bisterena pre oda, so hin dvoležito.
SAR KADA TE DOCHUDEL:
-
Phen o prikladi, savenge hin lokes te achaľol. Phareder mišľenka višvetľin le prikladoha andal o dživipen, avka sar oda kerelas o Ježiš. Kaj te na našľol, so kames tire prikladoha te phenel, ma vaker kije but. Leper ča oda, so hin dvoležito a so bešel la temaha.
-
Rozmišľin pal ola, kaske vakeres. Phen ajse prikladi, pal save džanes, hoj len čačes zaujiminena. De pozoris, kaj te na phenes o prikladi, savenca bi avren thovehas andre ladž abo savendar bi len zadukhanďiľahas andro jilo.
-
Le prikladoha len sikhľar. O prikladi vaker ča akor, te kames te hazdel upre o hlavna mišľenki. Ker avka, kaj peske te pametinen na ča o priklados, aľe tiš oda, so lestar šaj sikhľon.