Pomožin lenge, kaj te rozmišľinen pal peste. De rečňicka otazki, kaj lenge te pomožines te avel pre oda, so len hin andre goďi the andro jilo.

Pomožin lenge, mi cirdel len o kamiben. Mi rozmišľinen, soske keren lačhe skutki. Barar andre lende, mi keren oda le kamibnastar ko Jehovas, ko manuša the ko biblicko čačipen. Te kames, kaj peske tire lava te len ko jilo, ma av pre lende zoralo, ma dikh len tele, ma ker lenge ladž, aľe šukares lenge oda višvetľin. Pal tiro prejavos, mi ciťinen pes podhazdle a jilestar mi keren sa, so hin andre lengeri zor.

Sikav pro Jehovas. Sar sikhľares o nauki, zakoni abo zasadi, furt hazde upre, savo hino o Jehovas a sar amen kamel. Barar andre lende, kaj sigeder, sar kamena vareso te kerel, te rozmišľinen, sar olestar ela le Jehovaske. Mi kamen leske te kerel radišagos.