Shuj uchilla granjapimi causarcanchi ñuca taitahuan, ñuca mamahuan, ñuca ishcai turihuan, ñuca ishcai ñañahuanbash chaipica suficientemi charircanchi ali causangapaj. Shinallata charircanchimi pollocunata, cuchicunata, huagracunatapash. Campopi trabajanaca shinllimi can, shina cajpipash ninan cushillami causarcanchi.

 Metodista iglesiamanmi rin carcanchi. Ñuca taitaca juyaillaguta candaimandami coropi participan carca. Chaimi shuj iglesiacunamanbash rin carca, ñucapash cumban carcani. Iglesiacunaca jatun edificiocuna rumihuan rurashcamandami inviernopica chiri chiri carca. Cai iglesia ñaupacunapimi ñuca taitaca candangapaj shayarina carca. Chai iglesiapica primero asientocunaca importante personacunapami carca. Chaimi ñucaca huashaman tiarin carcani. Shinapash ñuca taita candajta uyanataca ninanda gushtan carcani.

 Ñuca taitapa mamatami abuelita nishpa rijsin carcani, paica cada domingomi ñucanchita visitan carca. Ñuca 16 huatacunata charijpimi abuelitaca huañurca chaimi llaquillapacha carcani. Chaimandami huañushcacunamanda yachangapaj munarcani ¿maipita can? ¿ima horapash cutin ricushacha? yashpa. Chaita yachangapaj munashpami cutin cutin shuj bruja huarmi huañushcacunahuan parlaita ushan nishcapaman rin carcani. Paipa huasica chiri chiri, mapa mapa, manllanaimi carca. Ñuca abuelita maipi cajtami yachangapaj munarcani, pero cai brujaca nimata na nihuarcachu.

 Huaquin huatacuna jipami, ñuca taitapa familia testigo de Jehová shuj tandanajuiman invitahuarca. Testigo de Jehovacunaca nalicunatami yachachin nishcata uyashca cashpapashmi rircani. Chai tandanajuipimi shuj juyailla huarmiguca ¿Bibliata ñucahuan nachu yachajungapaj munanguiman? nishpa tapuhuarca. Chaimandapachami ñuca causaipi Jehová Diosta rijsi callarircani. Callaripica Versión del Rey Jacobotami utilizarcani, ñuca mamitaca testigo de Jehovacunaca nali traducciondami utilizan nishcata crimandami shina rurarcani. Chaica na cierto cashcatami jaicata cuenta japircani.

 Bibliamanda yachajushpa ñuca abuelita huañushca cashpapash puñujuj cuenda cashcata shinallata cutin causarijpi paihuan tuparina cashcata yachashpaca ninandami cushijurcani. a Bibliamanda yachajushpa catishpami, Diosmandapash nimata na yachashcata cuenta urmarcani. Ñuca taitapash chai tucui huatacunata iglesiaman purishca cashpapash, Taita Diosmandaca casi nimata na yacharcachu. “Guíame, oh Gran Jehová” nishpa ashtaca viajeta candashca cashpapash, pimanda candajushcatapash nunca na yacharcanchichu.

Matrimoniopi jarcaicuna

 Ñuca novio Ian Bibliapimi interesta charirca shinami yachajui callarirca. Shina ali yachajushpa catishpami fumanatapash saquirca. Ian ñuca noviohuanga septiembre de 1971​pimi cazararcanchi. Huaquin tiempo jipallami ñuca suedra huañujpi ñucanchi crishcacunamanda pruebacunata chimbapurana tucurcanchi. Ñuca cusapa familiacuna, amigocunami velorioman cumbachun invitarca shinallata huaquin costumbrecunata rurangapapash. Chai veloriopica taucacunami ashtacata ufianajurca, ashtacata fumanajurca. Ñuca cusaca chaita ricushpami punda nali rurashcacunaman cutin tigrangapaj munarca.

 Llaquimi carca, Bibliamanda yachajushcataca ñuca cusaca ñana cazungapaj munarcachu. Huaquin tandanajuicunata, Bibliata yachajunatapash ñana rurashpa catircachu. Shina cajpipash ñucataca Bibliamanda yachajunata, tandanajuiman rinata, villachinataca ninandami gushtarcani. 9 de Marzo de 1972​pimi bautizarircani chaipimi ñuca cusaca ricungapaj shamurca. Shinapash asha ashami ñuca cusaca Jehová Diosta ama sirvichun jarcangapaj munarca. Callaripica ñucanchi publicaciongunata na ricungapaj munarcachu. Jipamanga villachichun llujshichunbash na munarcachu. Jipamangarin Navidad, cumpleaños fiestacunata ruraj shuj pushtu bar huasiman cumbachun invitahuarca. Ñuca cusata respetaimandami cumbarcani shinapash Bibliapi yachajushca shina nali costumbrecunapi ama participangapami cuidarircani. b Chaimi huarmicunapa bañoman rishpa ama nalicunapi urmangapaj, ali concienciata charingapaj ayudahuai nishpa Jehová Diosta cutin cutin mañarcani. Jehová Dios ayudajtaca siempre cuenta urmarcani.

 Ian ñuca cusahuanga quimsa huahuacunata charircanchi paicunaca: Philip, Nigel y Andrewmi can. Ñuca cusaca shuj camionda manejashpa trabajaimandami caruta rin carca. Chaimandami huaquin semanacunaca huasipica na yalin carca. Ali esposa cangapami ninanda esforzarircani shinallata Jehová Diosta sirvingapapash. Ñuca cusa illajpica predicangapami tiempota aprovechan carcani shinallata Ian ñuca cusa fin de semana huasipi cajpica tiempotami paihuan yalin carcani. Ñuca huahuacunaman paipa taitamanda nalita parlanataca nunca na shinarcanichu.

 Congregacionbica alipacha amigocunatami charircani. Paicunahuanmi ñuca mamata, ñuca taitata visitangapaj rishpaca pushan carcani. Asha ashami ñuca taitacunaca ñuca amigocunahuanga ali llevari callarirca. Shuj juyashca turi congregacionmanda huañujpica ñuca mamapashmi Salón del Reinopi velorioman rirca. Chai jipallami ñuca mamapash, ñuca taitapash, ñuca turi Stanley y paipa huarmi Averilpash Bibliata yachajui callarirca jipamanga tucuillami bautizarirca.

 Ñuca turi Stanley y Averilca shuj churiguta y shuj ushigutami charirca. Ñuca cuñadahuan ñucanchi huahuacunahuanga predicangapaj rishpami ninanda cushijun carcanchi. Averil, ñucapash carrota na charimandami huahuacunapa cochecunata tangashpa rin carcanchi. Shina cashpapash cushijushpami ashtaca kilometrocunata villachishpa purin carcanchi. Andrewca huahuapa cochepimi rirca, Nigelca chai jahuapimi tiarirca shinallata Philipca huahuapa cochepi charirishpami rirca.

Ñuca huahuacunatami yachachircani

 Ian ñuca cusahuanga ishcai huahuacunatami ashtahuan charircanchi paicunaca: Caroline, Debbie can. Jehová Dios munashca shinami paicunataca yachachingapaj munarcani. Bibliapi taitacuna huahuacunata imashina yachachina consejotami mascan carcani. Ñucaca Jehová Diosta tucui shunguhuan sirvingapami bautizarircani chaimandami ñuca huahuacunapash shina sirvijujta ricuchun munarcani.

 Callaripica cai textotami yachajurcani 1 Corintios 15:33​pica: “Nali gentecunahuan llevarishpaca alita ruranajushcatapashmi cunganguichi” ninmi. Shuj asambleapimi shuj ñañaguca paipa huahuacunataca escuelapi cashpa amigocunahuanga na yapa tiempota yalinachu canguichi nishcatami ñucaman villahuarca. Shinallata rurangapami munarcani pero na facilchu carca. Churicunaca vecinocunahuan futbolta pugllangapami pacalla llujshin carca. Ñuca huahuacunapa, amigocunaca alimi portarin carca pero paicunaca Jehová Diostaca na sirvijcunami carca. Paicunapa ruraicunahuan, parlocunahuanmi shina ricuchin carca.

 Ñuca huahuacunataca clase jipa futbolta pugllangapaj munajpica ñucami cangunahuan pugllai ushani nircanimi. Shinapash ñucahuan pugllashun nishca cashpapash futbolta pugllanata na yachaimandami paicunahuanga na pugllai usharcani. Ñuca huahuacunata ayudanataca na shaijurcanichu ali amigocunata charichunmi munarcani. Asha ashami ñuca huahuacunaca shuj entretenimientocunata tarirca shinami Jehovata na sirvij jovengunahuanga ñana tandanajurca.

 Catipica cai textotami yachajurcani 1 Juan 2:17​pica: “Shinallata, cai mundopash y cai mundopi gentecunapa munaicunapash tucuringami. Pero Taita Diospa voluntadta rurajcunaca para siempremi causanga”. Satanaspa mundo tucurinata alimi yacharcani chaimi metas espiritualescunata charichun munarcani shina rurashpa ñuca huahuacuna Jehová Dioshuan ali relacionda charishpa para siempre catichun. Huaquin problemacuna ricurijpi uchilla problemacuna cajpipash Jehová Diostaca siempre mañan carcani ayudahuai nishpa. Siempremi Bibliapi paipa ayudata tarircani. Huahuacunata ayudangapaca Bibliapi imata nijujtami siempre ricuchin carcani. Shina ricushpa Jehová Dios ayudajushcata cuenta japichunmi munarcani na ñuca ayudajushcata. Ñucaca parlocunahuan, ruraicunahuanmi ali ejemplota ricuchingapaj esforzarircani chaimi huahuacunaca ali rurashpa catirca. Por ejemplo, ñuca churicunaca cada unomi huahuamandapacha villachishpa revisitata ruran carca shina rurashpami ninanda cushijun, animarin carca.

 Reunionman rinaca importantepacha cashcatami yacharcani. Shuj tiempoca huahuacuna chaupi semana tandanajuiman rishpa ninanda shaijujtami cuenta japircani. Reunión punllacunaca huahuacunataca escuelamanda apamungapaj rin carcani shinami ashaguta micushpa, ashaguta puñushpa saman carcanchi. Chaimi huahuacunaca tandanajuipica ñana shaijun carca. Salón del Reinomanga ñucanchimanda pipash unguipillami na rin carcanchi. Shina pasajpica reunionba programatami huasipi repasan carcanchi. Shina rurashpallami televisiondaca ricui ushan carca. Ñucapa cusa Ian huaquinbica na yashcapimi huasiman shamun carca. Chaimi librocunataca jaicata pacana tucurcanchi, televisionda prindin carcanchi.

 Adoración en familiatapashmi siempre ruran carcanchi. Huaquinbica huahuacunahuanga Betelmanda maijan departamentopita trabajangapaj munanguiman nishpami parlarin carcanchi.

Precursorcuna canami ñucanchipa meta carca

 Philip ñuca churigu 16 huatata charijpica shuj mecánico carrota arreglaj ucupimi tiempo completo trabajachun ofrecirca. Shinallata medio tiempo vidriocunata limpiashpa trabajana oportunidadtapashmi charirca. Vidriocunata limpiashpa trabajanataca na munarcachu ashtahuanbash carrota arreglashpa tiempo completo trabajashpaca familiapa minishtirishca cosascunahuanbash ayudaita ushanimi nircami. Chaimi ñuca churigutaca cashna nircani, taitami familiapa minishtirishca cosasgucunataca carana can, na huahuacunaca. Chai jipami churigutaca cashna nircani: “Causangapaca siempremi ima minishtirishcaguta charishcanchi”. Mamaca Philiptaca, vidriota limpiashpa medio tiempo trabajashpapash precursor shina sirvita ushanguimi nircanimi.

 Philip churiguca colegiota tucuchishcandimi precursor regular shina sirvi callarirca. Ñucapash precursor auxiliar shinami sirvi callarircani. Ñuca cati churi Nigel colegiota tucuchishcandi precursor regular sirvi callarijpica, ñucapash precursor regular shina sirvi callarircani. Ñucaca precursorado shuj huatagutallapash sirvishpaca ñuca huahuacunata apoyashpa predicangapaj llujshishpa shinallata escuela de precursoresman ri ushashallami yashpa pensarcani. Chai jipaca Nigel churiguhuanmi escuela de precursoresman rircanchi.

 Callarimandapachami precursor shina sirvinataca ninanda gushtarcani shina sirvishpaca ñuca huahuacunahuanga shuj alipacha ejemplota saquigrini yashpa. 35 huatacunatami precursor regular shina sirvijushcani. Chaimandami Jehová Diostaca ninanda agradicini. Ñuca cusaca precursora shina sirvinata yachashpaca na saquinmanllu carca. Ian trabajoman rishca illajpimi predicangapaj aprovechan carcani, pai huasipi cajpica paihuan yalin carcani.

 Shuj punllaca Nigel ñuca churigumi Betelman ringapaj invitacionda jundachirca chaimi invitarca. Betelpica alipacha amigocunatami charirca. Chaipimi espiritualmente ñuca churigutaca ninanda ayudarca. Philip y Andrew ñuca churigucunataca Escuela de Entrenamiento Ministerialmanmi invitarca. c Ñuca ricuipica chai escuelamanga uchilla huahuacunashnami rirca, huasiman tigramushpaca espiritualmente shinlli jaricunami shamurca (1 Pedro 5:10). Jehovapa organizacionga paipa llactataca alipachami yachachin. Chaimi Jehová Diosta paipa organizacionda ñuca churicunata yachachishcamandaca ninanda agradicini.

Shinlli jarcaicunatami charircani

 Cai huatacunapica shinlli jarcaicunatami charishcani. Callaripica ñuca cusami traicionahuarca 33 huatacunata cazarashca cashpapash, jipamanga shuj huarmihuanmi rirca. Shuj llaquica ñuca taitacuna rucuyajpimi ninanda llaquiyarcani. Llaquillami carcani, ñuca taitaca marzo de 1997​pimi huañuparca. Chaimi ñuca mamaca solalla quedarca, carrota manejanatapash na yacharcachu. Ñuca taita illajpica ñuca mamaca paigulla, llaquillami sintirirca. Chaimi siempre cayan carcani, “¿revisitata rurangapaj cumbagapaj munahuanguichu?” nishpa. Ashtaca huatacuna jipami ñuca mamaca precursora shina sirvi callarirca. Shina rurajpimi paipa causaipica ninanda ayudarca. 10 huatacunatami cushijushpa precursora shina huañungacaman Jehovata sirvirca.

 Ñuca picha huahuacunata Jehová Diosta sirvichun viñachinaca na facilchu carca. Ñucaca siempremi yacharcani ñuca huahuacunaca Jehová Diosta sirvinata o na sirvinataca paicunallata decidi ushana cashcata. Paicunapa decisiondaca na controlai ushanachu carcani, pero ñuca imata ruranataca decidi usharcanimi. Chaimi Jehová Dios munashca shina ñuca huahuacunataca ruraicunahuan, parlocunahuan yachachircani. Ñuca huahuacuna Taita Diosta sirvingapaj decidishcamandaca ninandami cushijuni. d Jehová Diosmi paicunata viñachingapaca ayudahuarca.