Cai Alpapi causai tiachunmi ashtaca yacu tian. Ñucanchi Alpapash Indimandaca na yapa carupi o na yapa ladollachu can. Chaimandami cai Alpapi yacupash na hielo tucun o na yapata cunushpa chaquirin. Ashtahuanbash ñucanchi Alpapi atmósfera tiajpi o campo magnético nishca tiajpimi gentecunapash, animalcunapash, plantacunapash causai ushan. Caicunata ricushpami ashtaca gentecuna nin, Taita Diosca na yanga ruraimandallachu cai Alpataca rurashca, tucuicuna causachunmi rurashca nishpa. (Isaías 45:​18, liipangui.)

Shinapash huaquin gentecunaca tapurinmi ¿Taita Diospa munaimandachu cai Alpapica ashtaca llaquicuna, problemacunaca tian? nishpa. (Deuteronomio 32:​4, 5, liipangui.)

Gentecuna paita juyashpa, cushilla aliguta causachunmi Taita Diosca cai Alpata rurarca. Chaimandami ñucanchica Taita Diosta rijsi ushanchi, juyanchi, alitapash ruranchi. Cutin animalcuna o plantacunaca na chaitaca rurai ushanllu. (Eclesiastés 12:13; Miqueas 6:⁠8, liipangui.)

Taita Diosca paipa nishcacunata pactachishpami tucui llaquicunata, problemacunata tucuchinga. Shinami gentecunaca shuj juyailla Alpagupi cushilla aliguta causanajushun. (Salmo 37:11, 29; Isaías 55:11; Mateo 5:5, liipangui.)